Бүген бакчабызда Нәүрүз бәйрәме гөрләп узды. Бәйрәмне без бик күңелле билгеләп уздык. Кыш бабай белән Нәүрүзбикә  көч сынаштылар: аркан тартыштылар, табышмаклар әйттеләр, биеделәр, кашыкка йомырка салып йөгерделәр. Әмма яз кызының көче күбрәк иде - ул җиңде. Кыш бабай биреште, тик үпкәләмәде.. Балалар халык уеннарын: “Йөзек салыш”, “Түбәтәй”, “Йомырка куйган кашык тотып йөгерү”, мәкальләр әйтү, табышмакларга җавап табуда өлгерлек күрсәттеләр. Татар халык биюләрен, яз һәм Нәүрүз турында җырлар, шигырьләр башкардылар. Фольклор бәйрәмнәрен уздыру балаларыбызда телебезгә карата мәхәббәт хисләре, әхлак тәрбисе уятырга ярдәм итә, борынгы гореф-гадәтләрне онытмаска өйрәтә.

Кайбыч районында “ И туган тел, и матур тел” районкүләм шигырь укучылар бәйгесе уздырылды. Бу бәйгедә “Гаилә” номинациясендә безнең “Тиенкәй” балалар бакчасыннан Кәримовлар гаиләсе  1 нче урын яуладылар. Шушы матур гаиләне котлыйбыз,зуур рәхмәт әйтәбез.МОЛОДЦЫ!!!

Бакчабызда  8 март халыкара хатын-кызлар көненә багышланган Әниләр бәйрәме булып үтте. Балалар бәйрәмгә тырышып әзерләнгәннәр. Алар әниләрен, әбиләрен матур җырлары, шигырьләре һәм биюләре белән шатландырдылар, татар-халык әкиятеннән өзек сәхнәләштереп күрсәттеләр.                 

Балалар бакчасында эшләп, лаеклы ялга киткән хезмәттәшләребезне 8 нче март халыкара хатын-кызлар көне белән матур итеп котладык.Хөрмәтле хезмәттәшләребез сезнең намуслы хезмәтегез, күрсәткән игелекләрегез өчен без һәрвакыт рәхмәтле.

Кадерле  әниләр, дәү әниләр, нәни кызларыбыз, апалар, сеңелләр! Сезне чын күңелдән 8 Март бәйрәме белән котлыйбыз. Сезгә иң изге теләкләр телибез,  Күкләребез аяз, илебез тыныч булсын. Әниләребез сау-сәламәт, бәхетле, шат күңелле, ачык, ягымлы йөзләре һәрвакыт балкып торсын. Балалар шатлык куанычлар китерсеннәр, исән-сау булсыннар. Бәйрәм белән!!!

Грип- вируслы тын юлы инфекциясе(ОРВИ) төркеменә керә.Ул эпидемиягә әверелүчән. Моннан тыш ул организмга өзлегү дә китерергә мөмкин булган кискен авыру.Балаларда авыруның беренче билгеләре сизелүгә үк, аларны бакчага,  йөртми торырга, , авыру беленүгә,чирне башкаларга йоктырмас өчен, берничә көн  бармый торырга киңәш ителә. Безнен бурычыбыз хәр көнне балаларнын температураларын тикшереп алудан башлана.

21 февраль- Халыкара туган тел көнендә безнең балалар бакчасында  балаларның туган тел һәм мәдәни традицияләр, һәр кеше тормышында туган телнең әһәмияте турында күзаллауларын киңәйтүгә юнәлдерелгән төрле чаралар узды. Балалар  табышмаклар чиштеләр, халык уеннары уйнадылар. Туган телегезне яратыгыз, аны саклагыз, аның белән горурланыгыз!Тәрбияче:Салахова И.Г.

Бүген  "Тиенкәй" балалар бакчасында "Ватанны саклаучылар көне"нә багышланган бәйрәм чарасы узды. Балалар һәм әтиләр бик теләп эстафета да,викторинада катнаштылар.Балалар җырладылар, биеделәр, әтиләрне зурлап шигырьләр сөйләделәр. Бәйрәм бик күңелле һәм матур узды. Балалар үз куллары белән ясаган истәлекле бүләкләрен бүләк иттеләр.

23 февраль — Ватанны саклаучылар көне белән барлык ир-егетләрне, әтиләрне, абыйларны ихластан котлыйбыз!!!Сезгә һәм якыннарыгызга тыныч күк йөзе, ныклы сәламәтлек, бәхет-шатлык, рухи һәм матди байлык, һәрбер хәерле эшегездә бары тик уңышлар гына телибез. Киләсе матур бәйрәмегез мөбәрәк булсын!!!