Бүген Кайбыч районы сыйныфтан тыш эшләр үзәгендә "Туган телем - серле тел" дигән шигъри бәйге үтте. Бәйгедә Чүти урта мәктәбеннән Тараканова Марина һәм Закирова Алсу 1 нче урын, Шәрәфетдингова Эльмира 2 нче урынны алды.

      Мәктәптә театр атналыгы дәвам итә. Бүген башлангыч сыйныф укучылары чыгыш ясады. 1, 2  нче сыйныф укучылары Г.Тукайның "Кызыклы шәкерт", "Бала белән күбәләк" шигырьләрен,  3 нче сыйныф "Өч кыз" әкиятен сәхнәләштереп күрсәттеләр.

Шимбә көнне Чүти мәдәният йортында Вячеслав Митрофановның иҗат кичәсе үтте.

 Бүген мәктәпкә армия сафларыннан яңа гына кайткан Юсупов Риназ килде. Риназ 10,11 нче сыйныф укучылары белән очрашу  үткәрде.

Мәктәптә яңа елга әзерлек башланды. Бүген укучылар кардан фигуралар ясадылар.

  Мәктәптә театр атналыгы башланды. Беренчеләрдән булып сәхнәдә  5 нче сыйныфлар Туфан Миңнулинның "Кайда хаклык, кайда дөреслек?" пьесасын  сәхнәләштерделәр.

  2007 нче елдан алып 9 нче декабрьдә Россиядә Ватан Геройлары Көне үткәрелә. Бу көнне илебез үзенең данлы улларын-Советлар Союзы, Россия Геройларын, Социалистик Хезмәт Геройларын, Изге Георгий ордены һәм Дан ордены кавалерларын хөрмәтли.

   Чүти урта мәктәбендә дә 9 нчы декабрь көнне мәктәп күләмендә "Ватан геройлары көне" уңаеннан барлык классларда да "Батырлык " темасына сыйныфтан тыш чаралар  үткәрелде.

   9 нчы декабрь барлык сыйныфларда да ришвәтчелеккә каршы сыйныф сәгатьләре үтте. Алар укытучылар тарафыннан бик бай эчтәлекле һәм мавыктыргыч итеп оештырылган иде. Башлангыч сыйныф укучылары  ришвәтчелек белән бәйле вакыйгаларны сәхнәләштереп тә күрсәттеләр. Ә урта сыныфларда сыйныф сәгате укучылар катнашы белән бик җанлы үтте. Укучылар ришвәтчелек  тарихы, төрләре турында белделәр. Дәресләр презентацияләр күрсәтү, буклетлар тарату белән үрелеп барды. Укучылар үз фикерләре белән уртаклаштылар, кызыксындырган сорауларына җавап алдылар.

       Хезмәттәшләребез Шәрипова  Рузалия  Шәрип кызын,Шәмсетдинова Ләйсән Рафис кызын  юбилейлары белән котлыйбыз!   Сезгә озын гомер,бәхет-шатлыклар,җан тынычлыгы,тән сихәте,саулык-сәламәтлек телибез!Кайгы-хәсрәткә бирешми,көчле рухлы һәм ярдәмчел,изге күңелле,балаларыгызның игелекләрен күреп озак яшәргә насыйп булсын.

 Мәктәпләрдә олимпиадаларга әзерләнү максатыннан вебинарлар башланды.Укучылар  бу вебинарларда  теләп  катнашалар,үзләрен кызыксындырган сорауларга  җаваплар алалар.