Салкын ноябрьнең соңгы атнасында мәктәбебездә "Иң якты кояшым - әнием" дип исемләнгән бәйрәм кичәсе узды. Укучыларыбыз яраткан әниләрен матур җыр-биюләре, ялкынлы шигырьләре белән котладылар, күңелле ял кичәсе бүләк иттеләр. Кадерле әниләребез өчен елның һәрбер көне бәйрәмгә тиң булсын иде!

2000 нче елгы һәм яшьрәкләр арасында уздырылган волейбол ярышында укучыларыбыз II урын яуладылар!

Ноябрь ае бәйрәмнәргә бай. Шуның берсе – Бердәмлек көне. Безнең халыкта бик мәртәбәле бер әйтем бар: бердәмлектә – көч. Әйе, бердәм булсак, бер-беребезгә авыр чакта ярдәм кулы сузсак, җәмгыятебездәге вакыйгаларга битарафлык күрсәтмәсәк, төрле дин, милләт халкына, аларның гореф-гадәтләренә хөрмәт белән карасак, шул чагында без – көчле халык. Иң әһәмиятлесе – кыйблабыз ачык, туры булсын.

"Тылсымлы куллар" түгәрәге үз эшчәнлеген дәвам итә. Балаларга аны кызыклы итеп оештыруда түгәрәк җитәкчесе Гөлүсә Ураловнаның хезмәте бик зур.

 Барлык укучыларны I чирекне  әйбәт кенә тәмамлаулары белән котлыйбыз. Каникул 30 октябрьдән 6 ноябрьгә кадәр. 7 ноябрьдә барыгызныда кабаттан мәктәбебездә көтеп калабыз.

Тышта алтын көз! Болай әйткән вакытта без табигатьтәге буяу –бизәкләрне генә күздә тотмыйбыз. Көзнең алтынлыгы, аның кадере һәм куркәмлеге көзге муллык белән билгеләнә. Табигатьнең иң асыл фасылы- алтын көздә килә инде халкыбызның онтыла башлаган матур бәйрәме-Сөмбелә. 25 нче октябрь көнне башлангыч сыйныф укучылары вожатыйлар (Шәрипова Адилә һәм Мөхәмәтҗанова Язилә) белән бергәләшеп “Сөмбелә” бәйрәмен каршыладылар.

24 октября был проведен урок безопасного интернета для учеников начальной школы и их родителей, прирученные ко дню Интернета в России.
Цель уроков - формирование в обществе культуры безопасного и полезного использования Интернета.

Халыкара мәктәп китапханәләре көне ЮНЕСКО башлангычы белән 1999 елдан ок­тяб­рьнең дүртенче дүшәм­бесендә билге­ләнә. Күп илләр бәйрәм иткән бу дата һәр елны бер темага багышлана. Аның максаты да бик әһә­миятле — җәмгыятьнең игътибарын мәктәп китапханәләренең торышына, әдәби запасны камилләштерүгә һәм тулыландырып торуга җәлеп итү.

 Ки­тап­ха­нә­че­без «Ки­тап ал­саң ку­лы­ңа – нур си­бе­лер юлы­ңа» исем ас­тын­да биб­ли­ог­ра­фик дә­рес үт­кәр­де. Без­гә дә­рес оша­ды. Ул без­гә ки­тап­ның без­не һәр­чак ях­шы­га гы­на өй­рә­тү­ен һәм тор­мы­шы­быз­ны нур­лы итү­ен, бе­лем­ле, әдәп­ле, акыл­лы ки­ңәш би­рү­ен, хез­мәт сө­ю­чән, күр­кәм ке­ше бу­лып үсәр­гә яр­дәм итү­ен, ту­ган ил­не сө­яр­гә, хез­мәт яра­тыр­га, авыр ва­кыт­та юга­лып кал­мас­ка өй­рә­тү­ен сөй­лә­де.

Районыбызның Пижмара мәктәбендә кул көрәше ярышлары уздырылды.  Безнең укучыларыбыз әлеге ярышта үз көчләрен сынап карадылар, һәм призлы урыннарга лаек булдылар.

Хәйдәрҗанов Сөләйман, Кадирова Наилә II урын, Сәфәргалиев Илназ III урын алдылар. Укытучылары Рамазанов Ленар.

Хөрмәтле коллегалар! Чын күңелебездән һөнәри бәйрәмебез белән тәбрик итәбез! Авыр, әмма мактаулы хезмәтебездә һәркемгә иҗади уңышлар насыйп булсын. Һәркемгә ныклы сәламәтлек, ак бәхетләр телибез. Бәйрәм белән!