1 нче июнь - Халыкара балаларны яклау көне

Җәйнең беренче көне җылылык, яктылык, мәрхәмәтлелек өстәүче бәйрәм - Балаларны яклау көнен күп илләрдә зурлап үткәрәләр.

Төп максаты - күңелле һәм бәхетле балачак һәр сабыйда булырга тиешлеген өлкәннәрнең исенә төшерү. Баланың елмаюы һәм шатлык тулы күзләре - ата-ана өчен моннан да мөһим нәрсә юк. Нарасыйларны наз һәм шәфкатьтә тәрбияләү, аларны олы тормыш авырлыкларыннан, җәбер-золымнардан саклау - һәр гаиләнең иң төп, изге бурычы.

Бүген мәктәбездә ата-аналар җыелышы узды. Җыелышта  яшүсмерләр белән эшли торган полиция хезмәткәре Ләйлә Фаргатовна "Җәйге чорда куркынычсызлык кагыйдәләре"темасына доклад укыды.  Ата-аналар белән имтиханнар, мәктәптә уздырылучы чаралар,  җәйге лагерь, мәктәп яны тәҗрибә участогындагы практика турында сөйләшелде.

Соңгы кыңгырау яңгырый — сихри аваз, ул гаҗәеп моңсу, сагышлы.
Шундый көн бу, олы бәйрәм үзе, үзгәртә дә куя язмышны.
24 нче май көнне 9нчы сыйныфта укучы 9 укучы өчен мәктәптә соңгы тапкыр кыңгырау шалтырады. Бәйрәм белән 9 сыйныф укучыларын 1 сыйныф укучылары, әти-әнилэр, район жирлегеннан вакилләр, авыл җирлеге башлыгы, мәктәп директоры һәм яраткан укытучылары котлады. Һәр елдагыча фән олимпидаларында, спорт ярышларында, сәнгать конкурсларында катнашып килгән укучылар грамоталар белән бүләкләнде. Бәйрәмгә килгән кунакларны да күңелләре белән ерак балачак елларына алып киткән, күзләрне дымландырган бу тантанада күңелле һәм моңсу мизгелләр күп булды.

Туган илгә бөек Җиңү килде –

Бәйрәм тантанасы урамда.

Югалтулар, күз яшьләре аша

Җиңү язы килде дөньяга.

Башлангыч класс укучылары арасында шашка һәм шахмат уеннары буенча турнир уздырылды.

Галимнәр раславынча, "Карга боткасы", икенче төрле әйткәндә, "Карга туе" йоласын үткәрү борынгы төрки бабаларыбызның мәҗүси ышануларына бәйле. Алар табигатьнең уянуын кара каргалар килүгә бәйләп аңлатканнар. Җылы, матур көннәрне нәкъ менә шул кошлар алып килә, алар килгәч сабанга төшәргә, игеннәрне чәчә башларга мөмкин, дип, каргаларны изге кошка санаганнар. 

Без дә әлеге бәйрәмне зурлап үткәрдек. Ул арада тирә-юньгә төтен исе таралды. Учак ягып, зур казан асып җибәрделәр. Бераздан тәмле ботка исе борыннарны кытыклый башлады. Кулларына тәлинкә белән кашык тоткан балалар учак тирәсен әйләндереп алды. 

Бер читтә төрле уеннарда көчлеләр һәм җитезләр ачыкланды, табышмак-мәзәк әйтешү конкурсларында тапкырлар һәм зирәкләр барланды. Кыскасы, һәркем үзенә кызык шөгыль тапты, үз күңелен күрде. 

Шубан мәктәбе оештырган бәйрәменең әнә шундый мизгелләре хәтергә кереп калды.