Мәктәптә “Федераль дәүләт белем стандарты кысаларында балалар бакчасы һәм мәктәп арасында күчемлелек”дип исемләнгән семинар үтте. Семинар кысаларында I сыйныф укытучысы Д.М.Ибраһимова сынлы сәнгать дәресе күрсәтте. Семинарга килүчеләр дәресләрдән канәгать калдылар.

Россия Герое О.Н.Исаев беренчелегенә 9-11 сыйныф егетләре арасындагы  хоккей  ярышында мәктәбебез егетләре II урынга лаек булды. Ә Мухаметшин Айнурга “Иң яхшы саклаучы” исеме бирелде.

ТР ның экология һәм табигый ресурслар министрлыгыннан килгән вәкил – Н.В.Новикова биология укытучысы Г.Г.Рамазановага күпкырлы хезмәтен бәяләп экология министрлыгының дипломын тапшырды.

Мәктәптә ТРның экология һәм табигый ресурслар министрлыгыннан вәкил – Н.В.Новикова килде. Аның белән берлектә биология укытучысы Г.Г.Рамазанова югары сыйныф укучыларына чисталык дәресе үткәрделәр.

Мәктәбебезнең кызлар хоккей командасы районкүләм хоккей ярышында беренче урынны яуладылар. Молодцы, кызлар!

Мәктәптә 5 сыйныф укучылары һәм әти-әниләре өчен спорт бәйрәме үткәрелде. Командаларга бүленеп төрле спорт ярышларында барысы да актив катнаштылар. 

1-4 сыйныф укучылары һәм әти-әниләре күмәк рәвештә тау шуу оештырдылар. Саф һавада хәрәкәтле уеннар уйнадылар. Бу көн балаларга да, әти-әниләргә дә бик ошады. 

Мәктәптә әти-әниләр белән берлектә “Без сәламәт яшәү рәвеше алып барабыз!” девизы астында сәламәтлек көне үткәрелде. Бозлавыкта әти-әниләр һәм балалар командалары арасында спорт ярышлары узды. 

Кышкы каникул чорында мәктәп яны бозлавыгында балалар күңелле һәм файдалы ял иттеләр. Хоккеист егетләр һәм кызлар командалары ярышларга әзерләнделәр, түбән класс укучылары кызыклы уеннар уйнадылар.

 8-11 сыйныф укучылары өчен “Бал маскарад” кичәсе узды.