9.02.2013

9 февраль көнне мәктәпкүләмендә “Татарстан чаңгы юллары” ярышы үтте. Ярышта барлык укучылар һәм укытучылар актив катнашты. Җиңүчеләргә грамоталар тапшырылды.

Мәктәбебез егетләре “Чайка” призына үткәрелгән хоккей ярышында II урынны яуладылар, диплом һәм кубок белән бүләкләнделәр. Егетләребезгә алдагы уеннарында да җиңүләр телибез.

8.02.2013.

Мәктәптә оборона-масса һәм спорт айлыгы башланды. Шушы айлык кысаларында командалар арасында мини-футбол ярышы үтте.

8нче класс укучылары әдәбияттан класстан тыш уку дәресендә укытучылары Мөхәммәтгалиева Р.Г.белән авыл китапханәсендә булдылар һәм яңа китаплар белән таныштылар. 

7.02.2013.

6-7 нче февраль көннәрендә мәктәптә 4 класс укучылары рус теле, татар теле, әйләнә-тирә дөнья, математика фәннәреннән мониторинг эшләделәр.

Биология һәм химия укытучысы Рамазанова Г.Г. “Ел укытучысы” бәйгесендә катнашып, Сосна урта мәктәбендә ачык дәрес һәм сыйныф сәгате күрсәтте. Укытучыбызга теләктәшлек белдереп, уңышлар телибез.

31.01.2013.

Мәктәбебезнең “Форпост” оешмасы членнары Шигапова М., Рамазанов Д., Фаттахов Н. тәрбия эшләре буенча директор урынбасары Габдрахманова И.Б. җитәкчелегендә Борбаш мәктәбендә үткәрелгән семинарда катнаштылар. Семинар файдалы һәм эшлекле булды.

31.01.2013.

Мәктәбебез укытучылары районда үткәрелгән спартакиада ярышында катнаштылар. Күп кенә спорт төрләрендә үз көчләрен сынадылар, матур күрсәткечләргә ирештеләр. 

1.02.2013.

Бу көнне мәктәп җитәкчесе Рәйсә Галимҗановнаның 55 яшьлек юбилей кичәсен билгеләп үттек.  Кичәдә, җитәкчебезне хөрмәтләп, укытучылар һәм укучылар иң изге теләкләрен җиткерделәр, матур биюләр һәм җырлар башкардылар. 

10нчы сыйныф укучысы Корбангалиева Раилә армспорт буенча Идел буе федераль округы беренчелегенә үткәрелгән ярышта III урынны яулады. Молодец, Раилә!