20.04.2013. Туризм ярышында.

Мәктәбебезнең туристлары Субаш мәктәбендә үткән ярышта үзләренең көчләрен сынады. Ярышта кече төркемдә Кадыйрова Айзилә, Гарифуллин Илһам, Шәрәфиев Нәсим, Гыймадетдинов Рафилләр, өлкән төркемдә Гарифуллин Ильяс, Фаттахов Наил, Корбангалиева Раилә, Ганиев Ирекләр катнашты. Ә Гарифуллин Ильяс ярышларда III урынны алды. Афәрин, егетләр һәм кызлар!

22.04.2013. Тукай көннәре.

Мәктәбебездә Тукай көннәре башланды. Татар теле укытучысы Ибраһимова Х.Г. югары сыйныф укучылары өчен “Тукай безнең йөрәкләрдә” дип исемләнгән сыйныф сәгате үткәрде. Балалар бу сәгатьтә бик күп мәгълумат алдылар.

20.04.2013. Язгы өмә.

Шимбә көнне мәктәп коллективы язгы өмәгә чыкты. Кайбер укучылар мәктәп тирәсен чүп-чарлардан җыештырды, кайберләре эреп бетмәгән кар өемнәрен таратты – барысы да тырышып эшләде. Мәктәп тирәсе чистарып калды. 

18.04.2013. Китапханәдә кунакта.

6 сыйныф укучылары татар теле укытучысы Накипова Л.М. белән авыл китапханәсенә экскурсиягә бардылар. Китапханәче Гөлнур апа белән кызыклы әңгәмә үткәреп, китаплар турында үзләренең белемнәрен күрсәттеләр. Китапханәче укучылардан бик канәгать калды. 

15.04.2013.  “Ел укучысы” конкурсы.

Мәктәптә “Ел укучысы” бәйгесе үтте. Бәйгедә берсеннән-берсе сәләтле, белемле, тапкыр укучылар катнашты. Алар үзләре турында визитка һәм презентация эшләделәр, төрле бәйгеләрдә катнаштылар, тапкырлыкларын күрсәттеләр. 

13.04.2013. Лидер булу җиңелме?

Мәктәбебезнең лидеры Корбангалиева Рания Салавыч мәктәбе каршында үткән “Лидерлар лагере”нда булып кайтты. Алар бик күп төрле ярышларда, бәйгеләрдә катнашып, үз сәләтләрен ачтылар, белемнәрен күрсәттеләр. 

12.04 2013. ”Чәчәкләр бәйрәме”

Башлангыч сыйныф укытучысы Газимова Л.Р. укучылар өчен “Чәчәкләр бәйрәме” үткәрде.  Бәйрәмдә укучылар шигырьләр сөйләделәр, табышмаклар чиштеләр, кызыклы сорауларга җаваплар таптылар. Бәйрәм чарасы барыбыз өчен дә файдалы һәм кызыклы булды.

9.04.2013. Башлангыч класслар атналыгы.

Мәктәптә “Башлангыч сыйныфлар атналыгы” башланды. Исмагилова Р.З укучылар белән  “Кошлар безнең дусларыбыз” дип исемләнгән кичә үткәрде. Балалар әйләнә-тирәбездәге кошлар белән таныштылар, командаларга бүленеп, кошлар турында кызыклы сорауларга җаваплар бирделәр

10.04.2013.  Су – яшәү чыганагы.

Башлангыч сыйныф укытучысы Ибраһимова Д.М. укучылар өчен “Су – яшәү чыганагы” дигән тәрбия сәгате үткәрде. Укучыларга аңлаешлы тел белән укытучы суның файдасы, әһәмияте турында сөйләде. Тәрбия сәгате файдалы һәм кызыклы үтте.

8.04.2013.  Табигать уяна!

4нче сыйныф укучылары укытучы Шарафиева Г.М.белән язгы табигатькә экскурсиягә бардылар. Алар табигатьне, кошларны күзәттеләр, елгада боз агуын карадылар. Экскурсия күңелле үтте.