25 нче февраль көнне Карадуган мәдәният йортында Муса Җәлил премиясе лауреатлары Рифат Сәлах һәм Гөлзада Сафиуллина, шагыйрь  Ленар Шәех, шагыйрь һәм уйлап табучы Ринат Нуруллин белән очрашу булды. Әлеге шагыйрьләр укучылар алдында үзләренең шигырьләрен укыдылар, тәҗрибәләре белән уртаклаштылар. Кунаклар “Себер тракты тарихы” музеена     һәм укучыларга буләк итеп китапларын калдырдылар.

21 нче февраль көнне мәктәбебездә гөрләтеп Аҗаган уены үткәрелде. Әлеге чарада 2-11 сыйныф укучылары да,  әти-әниләр дә бик актив катнаштылар. Бәйрәмнең беренче өлешендә һәр сыйныф берәр хәрби төр киеме киеп, атлау һәм җыр осталыкларын күрсәтсәләр, икенче өлештә укучылар кызыклы ярышларда, узләрен һәрьяклап сынап, баллар җыйдылар. Уенның иң мавыктыргыч этабы – әтиләр өчен биатлон ярышы булды. Бәйрәм бик күңелле һәм истә калырлык итеп узды.

   20 нче февраль  көнне М. Җәлил исемендәге музейда Афганчы солдатларга медаль тапшыру тантанасы уздырылды. Арбаш авылыннан Нуриев Ф., Гарипов Ш., Балтач районы прокуроры ярдәмчесе Шарифуллин Ф.Г. , Балтач военкоматыннан Каримов  Ф., белән очрашу узды. Карадуган авылы җирлеге башлыгы Низамиев Ш.В. шушы җирлектәге батырларыбызга медальләр тапшырды.

17 нче февраль  көнне уздырылган Муса Җәлил исемендәге III республикакүләм фәнни-гамәли конференциясе кунагы – күренекле шагыйрь, Г.Тукай һәм М.Җәлил премияләре лауреаты Роберт Миңнуллин балаларны кызыксындырган барлык сорауларга да аңлаешлы һәм күңелле итеп җавап бирде.

17 нче февраль көнне мәктәбебездә Муса Җәлил исемендәге III республикакүләм фәнни-гамәли конференция уздырылды.  Әлеге чарага республикабызның бик күп районнарыннан кунаклар килде. Укучылар 5 төрле секциядә сугыш чоры әдәбияты, Муса Җәлил иҗатына  кагылышлы фэнни тикшеренүләре белән чыгыш ясадылар. Һәр секциядә иң эчтәлекле, уңышлы эшләр билгеләнде, аларга истәлекле бүләкләр бирелде.

12 нче февраль көнне мәктәбебезнең 10 укучысы Казанга хәйрия акциясе буенча оештырылган “Добрата и любовь спасут Мир” дигән исем астында уздырылган чарада катнаштылар. Бәйрәмне оештыручылар һәр балада күтәренке кәеф тудырдылар һәм истәлекле буләкләр тапшырдылар. Балаларга әлеге чара бик ошады.

13 февраль көнне мәктәбебездә 8-11 нче сыйныфлар өчен Изге Вәли көненә багышланган бәйрәм кичәсе уздырылды. Бәйрәм кызыклы уеннарга, күңелле иҗади биремнәргә бай булды. Әлеге чара укучыларга да, укытучыларга да бик ошады. 

Мәктәбебездә хәрби-патриотик айлык дәвам итә. Җиңүнең 70 еллыгы уңаеннан, Карадуган гомуми урта мәктәбендә Муса Җәлил призына хоккей ярышлары уздырыла.

1-8 нче сыйныф укучылары арасында урманнарда  янгын куркынычсызлыгына каршы көрәшкә багышланган рәсем конкурсы үткәрелде. Иң матур, эчтәлекле эшләр “Лес боится огня” дип аталган балалар рәсем конкурсына җибәрелде.

Татарстан Республикасы мәгариф һәм фән министрлыгының  2014-2015  нче уку елына эш планы нигезендә,Бөек Ватан сугышында Җиңүнең 70 еллыгы, патриот шагыйрь Советлар Союзы Герое, Ленин премиясе лауреаты-Муса Җәлилнең тууына 109 ел тулу уңаеннан , шагыйрьнең иҗатын тирәнтен өйрәнү  максатыннан 2015 нче елның 17 нче февралендә Муса Җәлил исемендәге III республика фәнни-гамәли конференция үткәрелә.
    Конференция үткәрү урыны Балтач районы,  Карадуган урта гомуми белем мәктәбе.
 Башлану вакыты. 10.00 сәгатьтә. Теркәлү 9.00 дан 9.50 .
Хәбәрләшү өчен телефоннар 8(84368)32119,  8(84368)24195