5 нче март көнне мәктәбебездә беренче сыйныфларның “Әлифба бәйрәме” үткәрелде. Бәйрәмнең кунаклары – әти-әниләр дә әлеге чарада бик актив катнаштылар: төрле әкият геройлары булып киенеп, укучыларга кызыклы биремнәр алып килделәр. Бәйрәм бик күңелле һәм истә калырлык булды.

3 нче март көнне  Казан каласына барып “Вперед в прошлое - 2015” республика конкурсында Камалетдинова Таңсылу – 1 урын, Нуриев Фидарис – 3 урын, Хусаенова Фәридә – лауреат исемнәрен  алып кайттылар. Киләчәктә дә уңышлар теләп калабыз.

   28 нче февраль көнне мәктәбебездә “Очрашу – үзе бер гомер” дип исемләнгән сыйныфташлар очрашуы булды. Элеге кичәгә Карадуган урта гомуми белем биру мәктәбен  төрле елларда тәмамлаган укучылар җыелды. Килгән кунаклар мөгаллимнәренә олы рәхмәт сузләрен җиткерделәр, мәктәп елларында булган күңелле хәтирәләре белән уртаклаштылар. Мондый очрашулар соңгысы булмас дип ышанып калабыз!

27 нче февраль көнне “Аҗаган-2015” уенының муниципаль этабы уздырылды. Элеге чарада безнең мәктәп җыелма командасы да яхшы күрсәткечләргә иреште. 10 нчы сыйныф укучылары Габдрахманов Рәсим һәм Ахмадуллина Зәринә “Меткий стрелок” бәйгесендә I нче урынны яуладылар! Котлыйбыз аларны!

25-26 нчы февраль көннәрендә Аксубай районында яшүсмер егетләр арасында республикакүләм “Золотая шайба” хоккей ярышлары булып үтте. Әлеге уеннарда безнең мәктәпнең хоккей командасы, “боз хуҗаларын” да җиңеп, призлы I нче урынны яулап алып кайтты. Афәрин, егетләр!

  27 февраль көнне Карадуган, Арбаш, Таузар авылларында яшәүче тыл ветераннарына Бөек Җиңүнең 70 еллыгына багышланган юбилей мадальләрен тапшыру тантанасы булды. Укучыларыбыз шигырь  һәм җырлар белән әби-бабайларны кайнар котладылар.

26 нчы февраль көнне РСФСРның һәм Татарстанның атказанган укытучысы, 32 ел Карадуган мәктәбе директоры булган Зыятдинов Бакый Шәймулла улына мемориаль такта ачу тантанасы булды. Әлеге чарадан соң, Карадуган мәдәният йортында мөхтәрәм укытучыбыз Зыятдинов Бакый Шәймулла улын искә алу кичәсе уздырылды.

25 нче февраль көнне Карадуган мәдәният йортында Муса Җәлил премиясе лауреатлары Рифат Сәлах һәм Гөлзада Сафиуллина, шагыйрь  Ленар Шәех, шагыйрь һәм уйлап табучы Ринат Нуруллин белән очрашу булды. Әлеге шагыйрьләр укучылар алдында үзләренең шигырьләрен укыдылар, тәҗрибәләре белән уртаклаштылар. Кунаклар “Себер тракты тарихы” музеена     һәм укучыларга буләк итеп китапларын калдырдылар.

21 нче февраль көнне мәктәбебездә гөрләтеп Аҗаган уены үткәрелде. Әлеге чарада 2-11 сыйныф укучылары да,  әти-әниләр дә бик актив катнаштылар. Бәйрәмнең беренче өлешендә һәр сыйныф берәр хәрби төр киеме киеп, атлау һәм җыр осталыкларын күрсәтсәләр, икенче өлештә укучылар кызыклы ярышларда, узләрен һәрьяклап сынап, баллар җыйдылар. Уенның иң мавыктыргыч этабы – әтиләр өчен биатлон ярышы булды. Бәйрәм бик күңелле һәм истә калырлык итеп узды.

   20 нче февраль  көнне М. Җәлил исемендәге музейда Афганчы солдатларга медаль тапшыру тантанасы уздырылды. Арбаш авылыннан Нуриев Ф., Гарипов Ш., Балтач районы прокуроры ярдәмчесе Шарифуллин Ф.Г. , Балтач военкоматыннан Каримов  Ф., белән очрашу узды. Карадуган авылы җирлеге башлыгы Низамиев Ш.В. шушы җирлектәге батырларыбызга медальләр тапшырды.