Зурлар һәм мәктәпкә хәзерлек төркеменә йөрүче балалар "Һөнәрнең һәркайсы яхшы" проектына нигезләнеп төрле һөнәр, һөнәр ияләре турында өйрәнәләр. Бүген алар авылыбыз шифаханәсенә сәяхәт иттеләр. Шәфкать туташы һөнәре турында белем тупладылар. 

Нәниләр төркемендә балалар рәхәтләнеп уйныйлар. Алар балалар бакчасында шөгыльләрдән тыш вакытларда күңелле итеп уйныйлар, балачакның рәхәт мизгелләрен тоеп йөриләр.

10 нчы октябрь көнне Балтач бистәсендә уздырылган көзге ярминкәдә безнең бакча хезмәткәрләре дә актив катнашты.

9 нчы октябрь көнне Бөтендөнья татар конгресы "Ак калфак хатын-кызларының иҗтимагый оешмасы" тарафыннан оештырылган "Шәҗәрә - безнең тамырлар" дигән семинарда безнең балалар бакчасы күргәзмәдә катнашып, Бөтендөнья татар конгресының Рәхмәт хатына лаек булды. 

Бакчада үскән яшелчәләр арасында әллә нинди могҗизалылары бар. Без, зурлар төркеме балалары, шуларга җан өрдек: йөзләр ясадык һәм киендердек. Менә дигән курчаклар килеп чыкты.   

Хөрмәтле Гөлфәния Тәлгатовна!

Күп тә түгел, аз да түгел - чын юбилей.

Гомерегезнең бер күңелле бәйрәме бу.

Кулларыгызда чәчәкләрнең генә түгел,

Ирешелгән уңышларның бәйләме бу.

Мәктәпкә хәзерлек төркемендә тәрбияләнүче балалар бүген укытучыларны һөнәри бәйрәмнәре белән котладылар. Нәни дусларыбызның җырлары, биюләре, изге теләкләре укытучылар күңеленә үтеп керде.

Җир йөзендә иң-иң матур теләкләрне

Сорасалар багышларга кемгә диеп.

Үзенә бик күп йөрәкләрне әсир иткән

Укытучы, дияр идем, башым иеп.

Урамда салкын көз булса да, безнең төркемебездә һаман җылы, чәчәкле җәй. Уртанчылар төркемендә эшләүчеләр балалар белән бергә ел дәвамында бүлмәләрен гөлчәчәккә күмеп тоталар.

Өлкәннәр декадасы кысаларында бакчабызга йөрүче балаларның бабалары һәм әтиләре бакчабызда кунакта булдылар. Оныкларының, балаларының матур чыгышларын карап куандылар. 

Бүген иртән бакчабыз коллективын мәктәп укучылары бәйрәм белән котладылар. Үзләренең дәртле биюләрен, моңлы җырларын, изге теләкләрен җиткерделәр.