Бүген бакчабызның нәниләр төркемендә "Яңа елны каршылап..." исемендә бәйрәм иртәсе булды. Бәйрәмгә Кәҗә бәтиләре һәм Бүре килеп балаларга күңелле мизгелләр тудырдылар. Ә балалар өчен иң сөенечлесе - Кыш бабай белән Кар кызының килүе булды. Алар нәниләребез белән рәхәтләнеп уйнадылар, биеделәр, җырладылар. 

Бакчабызның уртанчылар төркемендә Яңа ел аеруча күңелле үтте. Балалар төрле әкитләрне сәхнәләштереп, төрле рольләргә кереп тамаша куйдылар. 

Бүген бакчабызга Кыш бабай килеп, тәрәзә аркылы балаларга сәлам бирде. Нәниләребез Кыш бабайны күреп бик сөенделәр, аны бәйрәм иртәсенә дә чакырып калдылар. 

Уртанчылар төркемендә бер атна "Чыршы" проекты дәвам итте. Проектны йомгаклап, әти-ниләр арасында "Матур чыршы" конкурсы игълан ителде. Конкурста барлык гаиләләр дә актив катнаштылар, үзләренең иҗат җимешләрен тәкъдим иттеләр. Аларга зур рәхмәтебезне белдерәбез.

Бакчабыз хезмәткәрләре бу көннәрдә территорияне бизәү өстендә бик нык эшләделәр. Ишегалдына килеп кергәч үзенне әкият дөньсында кебек хис итәсен. Хезмәткәрләр төрле әкият геройларын кардан ясап катырдылар.

Бу көннәрдә бакчабызда эшләүчеләр Яңа ел рухы белән яши. Территориябезне бизәү эшләрен башладык. Балалар өчен шугалак, лабиринт һ.б. ясалды. шулай ук төрле әкиятләрдән сюжетлар уйлап табып, безнең оста куллы хезмәткәрләребез һәр көнне яңа бер әкият патшалыгы булдырдылар. 

Бакчабызның һәр төркемендә Яңа елга әзерлек эшләре башланды: төркемнәребезне бизәдек, бәйрәм кунагы - чыршы да әзер. 

Зурлар төркемендә тәрбияләнүче балалар ел саен кар яугач, үзләренә шуар өчен шугалак ясыйлар. 

1-10 декабрь инвалидлар декадасы уңаеннан бакчабызның мәктәпкә хәзерлек төркемендә тәрбияләнүче балалар төркемдәш дуслары Раязга бүләк әзерләделәр.

Бүген безнең балалар бакчасында район тәрбиячеләре өчен "Балалар бакчасында патриотизм хисләренең әхлакый нигезен булдыруда яңа алымнар куллану" дигән темага семинар булды. Уртанчылар төркеме тәрбиячесе Зөлфия Нургаяновна "Сөйләм үстерү белем бирү өлкәсе" буенча "Икмәк кадере" дигән темага ачык эшчәнлек күрсәтте.