Уртанчылар төркемендә бер атна "Чыршы" проекты дәвам итте. Проектны йомгаклап, әти-ниләр арасында "Матур чыршы" конкурсы игълан ителде. Конкурста барлык гаиләләр дә актив катнаштылар, үзләренең иҗат җимешләрен тәкъдим иттеләр. Аларга зур рәхмәтебезне белдерәбез.

Бакчабыз хезмәткәрләре бу көннәрдә территорияне бизәү өстендә бик нык эшләделәр. Ишегалдына килеп кергәч үзенне әкият дөньсында кебек хис итәсен. Хезмәткәрләр төрле әкият геройларын кардан ясап катырдылар.

Бу көннәрдә бакчабызда эшләүчеләр Яңа ел рухы белән яши. Территориябезне бизәү эшләрен башладык. Балалар өчен шугалак, лабиринт һ.б. ясалды. шулай ук төрле әкиятләрдән сюжетлар уйлап табып, безнең оста куллы хезмәткәрләребез һәр көнне яңа бер әкият патшалыгы булдырдылар. 

Бакчабызның һәр төркемендә Яңа елга әзерлек эшләре башланды: төркемнәребезне бизәдек, бәйрәм кунагы - чыршы да әзер. 

Зурлар төркемендә тәрбияләнүче балалар ел саен кар яугач, үзләренә шуар өчен шугалак ясыйлар. 

1-10 декабрь инвалидлар декадасы уңаеннан бакчабызның мәктәпкә хәзерлек төркемендә тәрбияләнүче балалар төркемдәш дуслары Раязга бүләк әзерләделәр.

Бүген безнең балалар бакчасында район тәрбиячеләре өчен "Балалар бакчасында патриотизм хисләренең әхлакый нигезен булдыруда яңа алымнар куллану" дигән темага семинар булды. Уртанчылар төркеме тәрбиячесе Зөлфия Нургаяновна "Сөйләм үстерү белем бирү өлкәсе" буенча "Икмәк кадере" дигән темага ачык эшчәнлек күрсәтте.

Үзенең эш тәҗрибәсен республика һәм район күләмендә тәрбиячеләргә тараткан бакчабызда 35 ел тәрбияче булып эшләүче Гөлфәния Тәлгатевна үз тәҗрибәсеннән чыгып "Балаларга рухи тәрбия" темасына чыгыш ясады.

Зурлар һәм мәктәпкә хәзерлек төркеме балалары "Социаль-шәхси белем бирү өлкәсе" буенча театральләштерелкән күренеш "Каз өмәсе" күрсәттеләр. Анда кул эшләре, кунакчыллык, туган авылга һәм башка милләт халкына булган мөнәсәбәтләр чагылдырылды. 

"Туган авылым" проекты кысаларында әти-әниләрнең кул эшләреннән күргәзмә оештырылды.