Ни өчен балаларга сюжетлы рольле уеннар мөhим? Бала тирә- юньдәгеләр белән аралашырга ,сөйләшергә ,җавапларны игътибар белән тыңларга, үз фикерләрен hәм хисләрен җиткерү өчен мимика  кулланырга өйрәнә, шуңа күрә  мондый уеннар бик мөhим. Роль уйнау - hәр баланың традицион мавыгуы. Мондый уеннарда бала мөстәкыйль  шәхес буларак формалаша.

Безнең бакча балалары "Табиб", "Пешекче", "Әни- бала" h.б кебек сюжетлы- рольле уеннары бик яраталар.Бу уеннар балаларга күңел ачу гына түгел, ә социаль күнекмәләрен, иҗадилеген hәм фантазиясен үстерү, мөмкинлеген бирә.

Рәсем мәктәпкәчә белем бирү системасында зур әһәмияткә ия. Рәсем ясау барышында мәктәпкәчә яшьтәге балаларда күзәтүчәнлек, эстетик тәрбия, сәнгать тәме, иҗади сәләт формалаша. Балаларның сенсор тәҗрибәсе баетыла.Шулай ук балаларның эстетик фикерләр формалаша; иптәшләренең эшләренә карата игелекле hәм ихтирамлы мөнәсәбәтнең мәҗбүри булуына игътибар итеп, баланың үзе hәм аның яшьтәшләре тудырган сурәтләргә аргументлы hәм киң итеп бәя бирергә өйрәнәләр. 

Балалар өчен көзге бәйрәм-ул елмаюлар һәм күңел ачу дигән сүз. Көз-күңелле вакыт, балалар, аяк астындагы алтынсу яфракларга һәм яңгырга сөенергә сәләтле. 8 октябрь көнне  "Таш -Чишмә" балалар бакчасында Көзге бәйрәм узды. Көз үзен озак көттермәде һәм бәйрәмгә балалар янына килде. Балалар бик теләп шигырьләр сөйләделәр, җырлар җырладылар, төрле уеннар уйнадылар. Барлык балалар да канәгать һәм бәхетле булып калдылар. Ә ата – аналар һәм тәрбиячеләр өчен бу иң яхшы бүләк.​

Өлкәннәрнең көләч йөзе гел көләч булып калсын. Бәйрәм белән, кадерлеләребез! Саулык- сәламәтлектә, дөньяга ямь биреп яшәгез, урыннарыгыз өйнең түрендә булсын!Ә сезгә, нәни оныкларыгыз , күп еллар "Әбием", "Бабаем" дип дәшәргә язсын!

27 сентябрь — Тәрбиячеләр һәм мәктәпкәчә тәрбия хезмәткәрләре көне. Хөрмәтле тәрбиячеләребез, мәктәпкәчә белем бирү өлкәсендә эшләп, лаеклы ялга чыккан ветераннарыбыз! Барыгызны да тәрбиячеләр һәм мәктәпкәчә белем бирү хезмәткәрләре көне белән ихластан котлыйбыз.

Сабыйлар күңелендә игелеклелек, хезмәткә хөрмәт тәрбияләвегез, яхшыны яманнан аера, матурлыкны аңлый белергә, ярдәмчел булырга өйрәтүегез, күңел җылыгызны, йөрәк назыгызны кызганмыйча, һәр баланы аналарча кайгыртуыгыз өчен рәхмәт сезгә!

Эшләрегез уң, тормышларыгыз мул, дөньялар имин, көннәр якты булсын! Һәрбарчагызга да гаилә иминлеге, ныклы сәламәтлек, җан тынычлыгы телибез.

Мәктәпкәчә белем бирү учрежденияләрендә юл йөрү хәрәкәте куркынычсызлыгы темасы бик актуаль. Тәрбияче апалары әңгәмә, уеннар аша аны балаларның аңына сеңдерергә , юлларда аларның иминлеген тәэмин итәргә  тырышалар. Балалар белән узган  "Юл кагыйдәләрен яхшы бел!" әңгәмәсе дә нәкъ менә шундый максат  белән узды. Балалар үзләренең белемнәрен  күрсәттеләр, юл йөрү кагыйдәләрен тагын бер кат исләренә төшереп үткәрделәр.

Балаларга янгын куркынычсызлыгы кагыйдәләрен аңлатырга,  шырпы, кабызгычлар, фейерверклар, шәмнәр, бенгаль утлары белән уйнауның  янгынга китерүе, өйдә генә түгел, ә бәлки  ишегалдында,  басуда һәм урманда да ут белән сак эш җитәргә  кирәклеген аңлату мәслихәт.

Сине туган көнең белән котлап, иң изге, якты, матур теләкләребезне юллыйбыз.

 Сиңа аяз күк йөзе, шомырт чәчкәседәй ак бәхетләр, корычтай нык сәламәтлек, кояштай озын гомер, чиксез шатлыклар телибез.

Беркемгә дә сер түгел, саф hавада йөрү, балаларның сәламәтлеге өчен бик файдалы. Әгәр hавада йөрү процессын дөрес оештырсаң ул файдалы экскурсия генә түгел, кызыклы hәм мавыктыргыч та була ала. Бу юлы да шулай ук булды.Мәсәлән көзге яфраклар бер - берсенә охшамаган, сезонлы үзгәрешләр hәм җил шаулавын тыңладылар.Балалар көз турында белгән шигырьләр, җырларын искә төшерделәр.Көзге саф hавада йөрү бик күп тәэсир,күтәренкел кәеф калдырды.