13.10.2012 көнне авыл мәдәният йортында "Бирегез мәйдан" бәйгесе булды. Укучылар бик матур чыгыш ясадылар.

11.10.2012 көнне мәктәптә Хокук айлыгы кысаларында бала хокукларын саклау оешмалары вәкилләре белән очрашу булды. Укучылар йорты директоры Садриева Рита Ришатовна, Багаутдинова Наилә Наилевна, Садретдинова Гүзәлия Фаилевна үз чыгышларында укучыларга бала хокуклары һәм бурычлары турында аңлаешлы итеп сөйләделәр, ярдәм итәргә әзер булуларын белдерделәр.

Бәйрәм белән сезне, укытучым!
Йөрәгемнең якын кешесе!
Дөнья серен миңа өйрәтүчем!
Яшь җаннарга – Ходай илчесе!
 

Сезгә телим: саулык, озын гомер,
Шәхси бәхет, дөнья рәхәтен.
Шәкертләрнең – тырыш, инсафлысын,
Яхшы гамәл, Ходай рәхмәтен.

Рәхмәт сезгә, укытучы апам,
Кызганмадың безгә көчеңне.
Үз сабые кебек якын итеп,
Әйтә идең җылы сүзеңне.

3.10.2012 көнне 4 нче сыйныф укучылары әби-бабайларын өлкәннәр көне уңаеннан кунакка чакырдылар. Сыйныфтагы 8 укучының барысы да әби-бабайлар белән матур итеп яшиләр. Балалар аларга үз куллары белән ясалган бүләкләрне бирделәр. Матур җырлар, шигырьләр сөйләделәр, кызыклы уеннар уйнадылар, бергәләп тәмләп чәй эчтеләр. Килгән кунаклар укучыларның остазлары - Суфия Мансур кызына рәхмәт белдереп, эшләрендә уңышлар, ә балаларга яхшы укырга, тәрбияле булырга һәм тазалык теләделәр. Бәйрәм бик күңелле үтте.

1.10.2012 көнне мәктәбебездә "Өлкәннәр көне" билгеләп үтелде. Хөрмәтле өлкәннәребез! Сезне бәйрәмегез белән ихлас күңелдән котлыйбыз.

Еллар үтә диеп борчылмагыз,

Еллар үтү берни түгел ул.

Сау-сәламәт булып озак яшәү -

Үзе бәхет, үзе шатлык ул.

Мәңге яшь булыгыз әле,

Килегез кабат-яңадан.

Ходай насыйп итсен иде

Очрашырга яңадан!

Исән булыгыз, тыныч картлыкта гомер кичерегез!

Яңа уку елыннан мәктәбебездә шахмат түгәрәге эшли башлады. Укучыларыбыз түгәрәккә бик теләп йөриләр. Җитәкчесе математика укытучысы Ахатов Марат Габделбәр улы. Ук

       23 нче сентябрь көнне Әтнә районы мәдәният һәм спорт үзәге каршында Бөтенроссия йөгерү көне узды. Безнең мәктәптән 2 кыз һәм 2 егет катнашты. 11 сыйныф укучысы Ахметов Фәнис  район мәктәпләре арасында беренче урынны яулады. Мәктәп командасы I урынга чыгып, күчмә кубок белән бүләкләнде.

       Шулай ук укытучылар да читтә калмады. Мәктәбебезнең физика, информатика укытучысы Хакимзянова Алсу өченче булып финишка килде.

19.09.2012 көнне мәктәбебез укучылары, укытучылары һәм техник хезмәткәрләр, мәктәп яны тәҗрибә участогында эшләделәр. Укучыларыбыз кишер, кәбестә, бәрәңге уңышын җыйнап алдылар. Яшелчәләр, витаминлы ризык буларак, ел дәвамында ашханәдә туклану өчен, махсус урыннарга сакларга куелды.

12.09.2012 көнне мәктәбебездә 1 нче сыйныфтан алып 11 нче сыйныфка кадәр укучылар арасында көзге кросс үткәрелде. Укучылар бик актив катнаштылар. 8 нче сыйныф укучылары Валиева Алинә һәм Гайнетдинова Алия, 10 нчы сыйныф укучысы Сафаров Алмаз һәм 11 нче сыйныф укучысы Ахметов Фәнис мәктәп күләмендә беренче урынга чыктылар. Бу укучылар район күләмендә үткәреләчәк кросста мәктәп данын яклаячаклар.

2012 нче елның сентябрь аеннан мәктәбебездә, Әтнә сәнгать мәктәбенең баян түгәрәге эшли башлады. Җитәкчесе: Шәрәфиев Рамил Ренат улы.