12 апрель көнне 5-8 нче сыйныф укучылары өчен "Татарстан Республикасының аерым сакланыла торган табигый территорияләре" темасына презентация күрсәтелде.

10 апрель көнне 7 нче сыйныф укучылары өчен "Кызыл китап битләрен актарганда" темасына презентация күрсәтелде

5.04.2013 көнне мәктәбебездә сыерчык ояларына конкурс үткәрелде. Барлык сыйныф укучылары да катнашты. Барысы 57 оя булды. Стандарт таләпләренә туры килгән, матур 10 сыерчык оясы призга лаек булдылар. Бу укучылар: Җәләлиева Зәлия (2 кл), Габдрахманов Динар (3 кл), Мөхәммәтҗановалар (4, 6 кл.), Мифтаховлар (6, 10 кл.), Ахметзяновлар (2, 10 кл), Зариповлар (5, 7 кл), Нуриева Айгөл (5 кл), Хәкимҗанов Рәмис (11 кл), Маулиевлар (3, 7 кл), Гатиятуллина Илүзә (11 кл). Һәр катнашучыга бүләк һәм призерларга махсус бүләк тапшырылды. 27 оя мәктәп яны һәйкәл, колхоз идарәсе тирәсендәге агачларга эленде. Оештыручы Галиева Х. Җ.

2.04.2013 көнне 1-4 сыйныфлар өчен китапханәче Шакирова Р. Р. балалар китабы көненә багышланган балалар иртәсе үткәрде. Укучылар китап тарихы, Г. Х. Андерсенның тормыш юлы, китап турында мәкальләр белән таныштылар. Шулай ук иң күп китап укучылар билгеләнеп үтелде.

1.04.2013 - 7.04.2013 көннәрендә 10 нчы сыйныф укучысы Сабиров Разил Оренбург шәһәрендә экология фәненнән Бөтенроссия олимпиадасының йомгаклау этабында катнаша.

30 нчы март көнне Әтнә үзәк мәчетендә район күләмендә Корьән уку бәйгесе булды. Анда безнең мәктәптән Гарипова Рамилә,Сәфәрова Зилә,Әхмәтов Фәнил,Әхмәтов Рәмис,Сәфәров Алмазлар бик матур чыгыш ясадылар. Укучылар Корьән сурәләрен,догаларны яттан сөйләделәр. Гарәпчә укып күрсәттеләр. Башлангыч сыйныф арасыннан Сәфәрова Зилә,югары сыйныф укучылары арасыннан Сәфәров Алмаз җиңүчеләр булдылар. Барлык укучыларга  бүләкләр бирделәр, чәй табыны хәзерләнде. ( Җитәкче ГалиеваС.М.)

29.03.2013 көнне Әтнә районы укучыларының видеофестивале булды. Видеофестивальгә мәртәбәле кунаклар да чакырылган иде. Безнең мәктәп укучылары эшләгән "Кунак" фильмы нәфис фильмнар арасында икенче урынга лаек булды. "Татаркино" оештырган "Первоклашки" фильмы буенча рәсем конкурсының нәтиҗәләре дә билгеле. 1 нче сыйныф укучысы Габдрахманова Ландыш рәсеме бу конкурста 3 нче урын алды.

18.03.2013-23.03.2013 көннәрендә мәктәбебезнең 10 нчы сыйныф укучысы Сабиров Разил КФУның экология факультетында экология фәненнән Бөтенроссия олимпиадасының йомгаклау этабына әзерлек курсларында булды.

21 нче март көнне шулай ук  10 нчы сыйныф укучылары  арасыннан Әхлак түгәрәгенә йөргән балалар “Ислам динендәге бәйрәмнәр һәм йолалар “ белән таныштырдылар. Түгәрәк җитәкчесе Галиева С. М.

21 нче март көнне 4 нче сыйныфта республика семинары узды. Алар яңа укыла башлаган“ Россия халыкларының   дини мәдәнияты  һәм дөньяви этика нигезләре  “фәне буенча “Мөхәммәд пәйгамбәр “дигән  темага дәрес күрсәттеләр. Ислам дине буенча белемнәрен ныгыттылар. Җитәкчесе Галиева С. М.