Юлда йөргәндә күзәтүчәнлек,  мөстәкыйльлек, игътибарлылык үстерү, юл билгеләрен аера белү, хәвефсезлек кагыйдәләрен өйрәнүне дәвам итү өстендә эш алып барыла. Урамда үз - үзеңне тоту культурасын тәрбияләү турында әңгәмәләр үткәрелә.

Бүген Арча шәһәренең 1 нче номерлы мәктәбендә бакча мөдирләре, мәктәп директорлары, профсоюз катнашында эшлекле очрашу булып узды. Мәктәбебезнең башлангыч класс укытучысы Г.З.Фазуллинаны тырыш хезмәте өчен мактау грамотасы белән бүләкләделәр.

Бакчабызда әкиятне сәхнәләштерү аша балаларда артистлык күнекмәләрен үстерү өстендә эш алып барыла. Төрле халык әкиятләренә карата балаларда кызыксыну тәрбияләнә. Балалар буш вакытларын кызыклы үткәрәләр. Өлкән төркем балалары нәни балаларга "Өйсез куян" әкиятен сәхнәләштерделәр.

Шөгыльдән тыш вакытларда тәрбияче балалар белән мавыктыргыч уеннар оештыра. Кече төркем балалары бу уеннарны бик яраталар.

Ләйлә Яңа ел ялларында балалар өчен оештырылган бик күп күңел ачу урыннарында булды, шулай ук "Кыш бабай йорты"нда да. Ул Кыш бабайга шигырьләр сөйләп бүләк тә алды.

 Кышкы ял көннәрендә балалар ата-аналары белән Арча шәһәренә Боз сараена сәяхәт кылдылар. Балаларга бозда шуу бик ошады.

Бүген бакчабызда балалар күптән көткән Чыршы бәйрәме үткәрелде. Бәйрәмдә балалар үзләренең осталыкларын күрсәттеләр. Кыш бабабызның капчыгындагы бүләкләргә балалар бик сөенделәр. Бәйрәм әти-әниләргә, балаларга бик ошады.

 Тәгәрәтеп ак карны,

Ясадык кар бабайны.

Куйдык кишердән борын,

Ясадык ике кулын.

Күзләре – кара күмер.

Дидек: “Син урам себер!”

Зур себерке тоттырдык,

Көлешеп карап тордык.

Бакчада индивидуаль эш даими алып барыла. Прогулка вакытында төп хәрәкәтләрне ныгыту өстендә даими эшләнелә.