Җыелыш ахырында башлангыч сыйныфлар укытучысы Камалиева М.М. җыелышка йомгак ясады, үзенең фикерләрен белдерде.  Әти - әниләргә балалар белән күбрәк русча сөйләшергә кирәклеген һәм башка киңәшләрен җиткерде.

 "Россия - зур дәүләт" проекты буенча шөгыльләрдә балалар белән төрле чаралар уздырыла. Бүгенге шөгыльдә курчак Маша ярдәмендә балаларның Россия башкаласы Мәскәү турындагы белемнәре ныгытылды. Россия символикасы турында мәгълүмат бирелде. Шөгыль мавыктыргыч һәм эчтәлекле үтте. 

Балаларда туган илне ярату, башка милләт вәкилләренә хөрмәт тәрбияләү һәм эстетик зәвыкълылык тәрбияләү максаты куелды.

 Бүген бакчабызда тәрбияче ярдәмчесе булып эшләүче Мостафина Миләүшә Мухаррямовнага 55 яшь. Кадерле хезмәттәшебез! Сине 55 яшьлек юбилей көнең белән ихлас котлыйбыз. Гаилә бәхете, тынычлыгы, ныклы сәламәтлек, балаларыгызның, оныкларыгызның куанычын күреп яшәвегезне телибез. Иң изге теләкләр белән хезмәттәшләрең. 

Балалар бүлмә гөлләрен бик яратып һәм теләп тәрбиялиләр. Бу беренчел хезмәт күнекмәләренә өйрәнү өчен зур этәреш булып тора.

Бу атнада "Хезмәт төбе - хәзинә" проекты буенча эш алып барылды. Балалар белән әңгәмәләр, занятиеләр үткәрелде. Өстәл, дидактик, сюжетлы уеннар оештырылды. Балаларның эш кораллары турында күзаллауларын киңәйтү максатыннан әвәләү занятиясе үткәрелде.

Балаларның өлкәннәр хезмәте турында күзаллауларын киңәйтү максатыннан бакчага яңа өстәл уеннары алынды. Тәрбияче уенны уйнау тәртибен  аңлата, үзе уйнап күрсәтә. Балалар уенчыкларны яратып, саклап уйныйлар.

Әти - әниләр белән "Баланы уен аша тәрбияләү" дигән темага анкетирование үткәрелде. Әти - әниләр шул темага үзара фикер алышалар.

Тәрбияче ата - аналар һәм балалар белән "Мәрхәмәтлелек нигезләре" дигән акция үткәрде. "Безнең яхшы эшләребез" дигән күчмә китап эшләнде . Шул китапта әти - әниләр һәм балаларның уй - фикерләре, эшләре тупланды

Бакчабызда йөргән балалар сәламәт яшәү серләре белән һәрдаим танышып торалар. Шул максаттан һәркөн балалар белән төрле  күнегүләр эшләнелә. Балаларыбыз  хәрәкәтләнергә бик тә яраталар.