Бүген бакчабызда кадерле әниләребезгә, әбиләребезгә багышланган бәйрәм иртәсе булды. Яраткан кешеләребезгә дип матур шигырьләр,җырлар, биюләр өйрәндек. Безнең чыгышларыбыз кадерлеләребезгә бик тә ошады. Ахырдан әни һәм әбиләребезне  үз кулларыбыз белән ясаган бүләкләребез белән  сөендердек.

Чәчәк орлыклары чәчәбез. Алдагы җәйдә дә бакчабыз шау чәчәктә булыр!

Балаларда Г. Тукайның күпкырлы иҗатына кызыксыну уяту, ихтирам хисләре тәрбияләү эшләре ел дәвамында алып барыла. Г. Тукайның тормыш һәм иҗат юлы белән таныштыру максатыннан Г. Тукай почмагы булдырылды. Г. Тукай почмагын даими тулыландырып торабыз.

Балалар сәнгать почмагында буш вакытларын файдалы үткәрәләр. Аларга ирекле шөгыльләнү бик ошый. Балалар үзләренең иҗат эшләре белән.

Бүген кышның соңгы көне. Бөтен галәмгә тыныч һәм хәерле язлар насыйп булсын

Арчаның сәнгать мәктәбендә "Ел тәрбиячесе" конкурсы булып узды.

 Тиздән кадерле әниләребезнең бәйрәмнәре якынлаша.Без бу бәйрәмне сөенеп каршы алабыз. Бүген  әниләребезне  сөендерү өчен үзебезнең нәни кулларыбыз белән бүләкләр ясыйбыз. 

Бүген бакчада "Ватанны саклаучылар көне" нә карата чара булып узды. Чарага барлык әтиләр дә килгән иде. Балалар әтиләренә бик күңелле һәм истә калырлык тамаша күрсәттеләр. Җырладылар, биеделәр, шигырь сөйләделәр һәм уеннар уйнадылар. Әтиләренә үзләре ясаган бүләкләрен тапшырдылар.

Көндезге йокыдан соң көн саен гимнастика ясыйбыз, балалар үз - үзләренә һәм иптәшләренә массаж ясыйлар. Бу грипп авыруына каршы профилактик чара да булып тора.

Муса Җәлилнең "Карак песи" шигырен сәхнәләштердек. Дикарацияләрне бакча хезмәткәрләре үзләре әзерләделәр.