"Космос" проектын тормышка ашыру максатыннан 11 - 15 апрель көннәрендә балаларның космонавтика турындагы белемнәрен ныгыту өчен комплекслы эшләр планлаштырылды. Балаларның кояш системасы турындагы белемнәрен камилләштерү нияте белән күргәзмә материаллардан тыш мультимедийный материал киң кулланыла. 

Юл йөрү кагыйдәләрен өйрәнүгә аеруча игътибар бирелә. Балалар да бик кызыксынып һәм яратып уйныйлар. Шунлыктан шушы темага багышланган почмакны яңарттык.

    Балаларның логик фикерләү сәләтләрен үстерү максатыннан,  алар белән  төрле дидактик уеннар уйныйбыз. Балалар бу уеннарны уйнарга бик тә яраталар.

Өлкән төркем балалары тәрбиячеләрнең зур булышчылары. Алар кече төркем балалары белән төрле уеннар оештырырга ярдәм итәләр. Кече һәм өлкән төркем балаларының килешеп уйнаулары үзара дустанә мөнәсәбәт тудыруга ярдәм итә.

Бакчабыз яңарды, бүлмәләребез иркенәйде, яңа җиһазлар кайтты. Безгә бигрәк тә өстәл, урындыклар ошый. Уңайлы урында туклану да рәхәт, ашлар да тәмле.

Балаларга хезмәт тәрбиясе  бирү максатыннан, тәрәзә төбендә  чәчәк үсентеләре үстерәбез. Балалар ул үсентеләрне үзләре тәрбияләп үстерәләр. 

Г.Тукайның тууына 130 еллыгы уңаеннан бакчабызда төрледән-төрле чаралар үткәрелә. Бүген балаларыбыз Г.Тукай иҗат иткән әкиятләр белән таныштылар. "Шүрәле" әкиятен мультфильмнан карадылар. 

 Тәрбияче балалар белән  "Кошлар - безнең дусларыбыз!" дигән темага әңгәмә уздырды. Язын туган якларын сагынып кайткан кошлар белән таныштырды. Балаларның кошлар турындагы  белемнәре ныгытылды. 

 Бүген бакчабызда кадерле әниләребезгә, әбиләребезгә багышланган бәйрәм иртәсе булды. Яраткан кешеләребезгә дип матур шигырьләр,җырлар, биюләр өйрәндек. Безнең чыгышларыбыз кадерлеләребезгә бик тә ошады. Ахырдан әни һәм әбиләребезне  үз кулларыбыз белән ясаган бүләкләребез белән  сөендердек.

Чәчәк орлыклары чәчәбез. Алдагы җәйдә дә бакчабыз шау чәчәктә булыр!