Лагеребызда бүген " Әкияттә кунакта" көне. Көнебез бик тыгыз үтеп китте. Балалар белән бергәләшеп Югары Курса авылында урнашкан Габденнасыйр Курсави һәйкәленә сәяхәт кылдык.

"Кояшкай" лагере эшен дәвам итә. Балалар саф һавада хәрәкәтле уеннар уйнап сәламәтлекләрен ныгыталар.

1 июнь - Балаларны яклау көнендә "Кояшкай" исемле мәктәп яны лагере эшли башлады. Укучылар группаларга бүленделәр, асфальтта үзләре теләгән рәсемнәрне ясадылар.

Балаларны сәламәт, көчле, акыллы итеп үстерү - һәр мәктәпнең  бурычы. 1 нче июнь - балаларны яклау көне уңаеннан мәктәп стадионында спорт уеннары оештырылды. Ярышларда актив катнашып җиңгән укучыларга грамоталар тапшырылды.

Уку елы төгәлләнде. Ел буена спорт ярышларында актив катнашкан, призлы урыннар яулаган укучыларның уңышларын санар вакыт җитте. Менә алар - мәктәпнең иң көчле спортчылары - 6 нчы класс укучысы Гатауллин Радик һәм 8 нче класс укучысы Бакирова Диләрә. Радик ел буена 25 грамота һәм медаль яуласа, Диләрәнеке -16. Афәрин, укучылар! Киләсе елда да сезгә уңышлар гына насыйп булсын!

Әйләнә-тирә белән танышу,  андагы гүзәллекне, терек һәм терек булмаган табигатьне күзәтү максатыннан бу көннәрдә мәктәбебез укучылары экскурсиягә чыктылар. 

Бүген мәктәбебездә 9 нчы класс укучылары өчен соңгы кыңгырау яңгырады. Әлеге бәйрәмдә  "Россельхозбанк" ның Арчадагы филиалы директоры Абзалова Э.Р., "Курса МТС" ы директоры Гыйләҗетдинов Р.Г., Урта Курса авыл җирлеге башлыгы Вафина Р.Р., әти-әниләр катнашты. Алар чыгарылыш класс укучыларына тормышта үз юлларын табуларын һәм имтиханнарында уңышлар теләделәр. Хәерле юл сезгә, укучылар!

Саф һавада йөрү - балаларның хәрәкәт активлыгын тулысынча кулланырга мөмкин булган режим моментларының берсе. Тәнәфес вакытларында, дәресләрдән соң да укучылар саф һавада еш булалар, төрле уеннар уйныйлар.