Икенче чирек тәмамланырга да күп калмады. Бүген мәктәбебезнең 8 нче һәм башлангыч сыйныф укучыларының чираттагы ата-аналар җыелышы санитар-эпидемиологик таләпләрне күздә тотып үткәрелде. Җыелышта 2 нче чиреккә йомгак ясалды, ирешкән уңышлар һәм кимчелекле яклар, тәртип һәм уку мәсьәләсе каралды. 

Ана —
Бөек исем,
Нәрсә җитә ана булуга;
Хатыннарның бөтен матурлыгы,
Бөтен күрке ана булуда...

   29 ноябрь - әниләр көне уңаеннан районыбызда "Минем яраткан әнием" рәсем конкурсы үткәрелде. Әлеге конкурста мәктәбебез укучылары бик яратып катнаштылар һәм призлы урыннарга лаек булдылар. 6 класс укучысы Гарипов Ә. "Мы с мамой кулинары" номинациясендә I дәрәҗәдәге, 5 класс укучысы Шәвәлиев И. "Портрет мамы" номинациясендә III дәрәҗәдәге дипломнар белән бүләкләнделәр. Укучыларыбызга киләчәктә дә иҗади уңышлар телибез.

     Арча МР мәгариф учреждениеләренең башлангыч профсоюз оешмалары арасында, Урта Курса төп мәктәбендә, өстәл теннисы һәм бадминтон буенча зона ярышлары булып узды. Әлеге чарада мәктәбебез данын яклаган хезмәттәшләребез: Набиуллин Р.Р., Шәймәрданова А.Р., Баймуратова Р.Ш. һәм Хисматуллин И.И. ка зур рәхмәтләребезне җиткерәбез, финал ярышларында уңышлар телибез.

   Артем Айдинов Казанның сугышчан комсомол дружинасы әгъзасы булган. 1965 нче елның 6 нчы декабрендә җинаятьчеләр белән бәрелештә аның гомере өзелгән. Бүгенге тәрбия сәгате яшь, кыю, куркуны белмәгән Артем Айдинов  батырлыгына багышланды.

      9 нчы декабрь  көнне Казан арты музеенда язучы Мөхәммәт Мәһдиевны искә алу кичәсе булды. Бу чарада Мөхәммәт Мәһдиевның кызы Гәүһәр Хәсәнова һәм якташыбыз Вакыйф Нуриев та катнашты. Кичә  "Без 41 нче ел балалары"  повесте белән үрелеп барды. Кичәдә безнең мәктәбебезнең туган (татар) теле укытучысы Нәгыймова Р. Р. да катнашты. 

     9 декабрьдә  илебездә Ватан Геройлары көне билгеләп үтелә. Әлеге истәлекле көн уңаеннан мәктәбебездә сыйныф сәгатьләре үткәрелде, геройларга багышланган фильмнар күрсәтелде. Илебез геройлары тарафыннан эшләнгән батырлыклар турында әңгәмәләр үткәрелде. Шулай ук бу истәлекле көн уңаеннан укучылар рәсемнәр ясадылар.

8 декабрь -  Халыкара рәссамнар көне. Рәссам һөнәре иң борынгы һөнәрләрнең берсе. Рәссам көне - ул профессионаллар һәм рәсем сәнгатен яратучылар бәйрәме генә түгел. Иҗат кешедә тынычлыкка сөенергә һәм аны яратырга мөмкинлек бирә. Шуңа күрә бүгенге бәйрәм-барлык гүзәл затлар өчен дә. Бу вакытта бөтен ил буенча күпсанлы күргәзмәләр, мастер-класслар  үткәрелә. Рәссамнар  һөнәри бәйрәмнәрендә үзләрен дөньяга тәкъдим итәргә, башка кешеләр белән аралашырга, үзләренең гадәти булмаган һөнәре турында күбрәк сөйләргә омтыла.

     4 нче декабрь көнне мәктәбебез укучылары районыбызда булып узган яшьләр иҗади бию “Осенний фьюжн - 2020” проектында катнаштылар. “Изящные” номинациясендә җиңүче булдылар. Кызларыбызны, җитәкчеләре Гарипова А.А. ны котлыйбыз. Аларга киләчәктә дә уңышлар теләп калабыз.

      Мәктәбебездә иске батарейкаларны җыю буенча “Керпене саклыйк!” дип аталган акция булып узды. Батарейкалар махсус савытка 4 кг 325 г күләмендә җыелды. Акциядә катнашкан һәр кеше табигатьне саклауга үзеннән өлеш кертә алачак.  

    Акциягә юктан гына әлеге исем куелмаган – бер батарейка бер керпе яши ала торган территорияне авыр металлар белән зарарлый. Батарейкалар, туфракка эләгеп, бу җирне җәнлекләр яши алмаслык дәрәҗәгә җиткерәләр. Шуңа да аларны махсус утильләштерергә кирәк.

         Илебез тарихында иң дәһшәтле саналган Бөек Ватан сугышында миллионлаган кешенең гомере өзелде. Сугыш кырында билгесез югалганнар саны да меңәрләгән. 3 декабрь "Билгесез солдат көне" билгеләп үтелә. "Исемең-билгесез, батырлыгың - үлемсез" шул максаттан Сикертән мәктәбендә класс сәгатьләре үтте, укучылар авылыбызда урнашкан һәйкәл тирәсен кардан чистарттылар, чәчәкләр куйдылар.