16 сентябрьдән 16 октябрьгә кадәр наркотикларга каршы республика айлыгы башланды. Аның максаты – дәүләт, җирле үзидарә, хокук саклау органнарының, халыкның наркоманиягә һәм наркоҗинаятьләргә каршы көрәштә барлык көчләрен  бергә туплау. Шул уңайдан мәктәбебездә наркотикларга каршы республика айлыгы планы төзелде һәм айлык

башланды.

Укучыларның экологик белемнәрен арттыру, табигатебезгә сакчыл караш тәрбияләү максатыннан мәктәптә “Чисталык дәресләре” булып узды. Башлангыч класслар укытучысы Ахмадуллина Г.И. үткәргән “Чисталык дәресе” шуның бер матур үрнәге булып тора. 

Акцияне үткәрү максатыннан мәктәп күләмендә өмә булып узды. Мәктәп тирә-янын, мәктәп яны участогын, юл кырыйларын чүп-чарлардан арындырдык. Укучыларыбызга экологик тәрбия бирүдә тагын бер зур адым ясалды. 

Сентябрь ае - муллык ае, булган уңышны җыеп алу ае. Бәрәңге уңышы да мулдан булды. Балалар һәм укытучылар коллективы  мәктәп бакчасыннан үзебезгә кышка җитәрлек бәрәңге чүпләп алдык.

УПП (участковый уполномоченный полицейский) капитан Рахимҗанов Илдус Илсур улы "Юл хәрәкәте куркынычсызлыгы" темасына әңгәмә үткәрде.

Сәламәтлек көне уңаеннан мәктәбебездә "Көзге кросс-2013" ярышы үткәрелде. Ярышта һәр укучы актив катнашты.

3 нче сентябрь көнне мәктәбебездә терроризмга каршы көрәшкә теләктәшлек көне уңаеннан класс сәгатьләре үткәрелде.

2 нче сентябрь көнне мәктәбебездә шаулап-гөрләп "Белем бәйрәме" булып узды. Балалар мәктәпне сагынып яңадан мәктәпкә җыелдылар. Бәйрәмдә мәктәп директоры Сабирҗанова Нурзилә Бариена, районыбыз кунаклары чыгыш ясап, укытучыларны һәм укучыларны котладылар, эшләрендә һәм укуларында уңышлар теләделәр. Яңа уку елы яңа уңышлар алып килсен иде!

2 нче сентябрь көнне мәктәбебездә “Татарстан Республикасы һәм Россия Федерациясенең дәүләт символлары” темасына Парламент дәресләре үткәрелде. Дәрес темасы бик мөһим: герб, флаг һәм гимн дәүләт атрибутлары гына түгел, шулай ук аның  рухи потенциал элементлары да. Укучылар дәрестә актив катнашып, үзләренә бик күп мәгълүмат тупладылар.

29 нчы август көнне Арча шәһәрендә авыл хуҗалыгы продукцияләрен сату ярминкәсе үтте. Ярминкәдә безнең Курса Почмак урта мәктәбе катнашты. Шәһәр халкына безнең мәктәп тәҗрибә участогында җитештерелгән яшелчә, төрле кайнатмалар, компотлар, укучы балалар көче белән бәйләнгән йон оекбашлар һәм башка бик күп төрле кул эшләнмәләре алып барганнар иде. Бигрәк тә суган, бәрәңге, кара миләш, сыер сөте, кәбестә яхшы сатылды.