Бүген, 7 май көнне, Бөек Җиңүнең 80 еллыгы алдыннан Наласа мәдәният йортында, Арча шәһәренең өлкәннәр һәм инвалидлар интернат-йорты, Наласа “Балачак “ балалар бакчасы, китапханә һәм мәдәният йорты белән берлектә Җиңүнең 80 еллыгына багышланган чара узды. Чара программасына Җиңү бәйрәме, тынычлык, солдатлар турында җырлар, биюләр, сугыш турында шигырьләр, Ватанны саклаучыларның үлемсез батырлыгы турында җырлар кертелде. “ Билгесез солдат” һәйкәленә чәчәкләр куелды, һәлак булучылар бер минут тынлык белән искә алынды.

Бүген Арча шәһәренең 7 нче номерлы балалар бакчасында районкүләм "Яшь полиглот" бәйгесе булып үтте.
Полиглот – күп телләр белүче дигәнне аңлата. Кеше никадәр күбрәк тел белсә, шулкадәр күбрәк белем алырлык сәләткә ирешә ала, рухи яктан бай була дигән гыйбарә бар. Бакчабыздан катнашучы Кодирова Зәйнәб өч телдә үзенең осталыгын күрсәтеп, 2 урынга лаек булды. Зәйнәбне чын күнелебездән котлыйбыз, алдагы көнендә уңышлар телибез.

Исхакова Зәлияне чираттагы уңышы белән котлыйбыз!

Зурлар төркеме
Тема: Алар безгә җиңү бүләк итте.
Бурычлар: Балаларда патриотик хисләр,туган якка, туган телгә,Ватанга мәхәббәт тәрбияләү. Туган ил һәм дөньядагы вакыйгалар белән кызыксынучанлыкларын үстерү ,ветераннарыбызның Бөек Ватан сугышында күрсәткән батырлыклары турында белемнәрен киңәйтү.

Кечкенәләр төркеме
Туган тел
Тема :"Җиңү алып килде май"
Максат: балаларда Җиңү көне турында күзаллаулар формалаштыру, бакчабызда ясалган күргәзмә белән таныштыру, балаларның тыңлау, сөйләү сәләтен ныгыту, ветераннарга карата ихтирам хисе тәрбияләү.

Тирә -якны ялмап алган көчле утка каршы көрәшүе бик авыр. Ярый әле бездә янгынга каршы көрәшүче курку белмәс,көчле,кыю,үз- үзен аямаучы кешеләр бар. Алар- янгын сүндерүчеләр.
30 апрель көнне балалар бакчасына "Янгын сүндерү бүлеге" хезмәткәре Хәкимуллин Азат Мөхтәр улы килде.Ул балаларга янгын куркынычсызлыгы турында сөйләде. Балаларның сорауларына җавап бирде,аларның сөйләгәннәрен тынлады. Авыл җирлеге башлыгы Шакирова Ильфира Рамазан кызы да янгынны булдырмау буенча үзенең киңәшләрен бирде.Бик кирәкле,файдалы очрашу булды.

Бүген Арча шәһәренең Г. Курсави исемендәге күп профильле лицейда "Радуга талантов" балалар иҗат фестивале булып узды.
Фестивальдә безнең балалар бакчасы " Тынычлык" җыры белән чыгыш ясап 2 урынга лаек булды, грамота белән бүләкләнде. Конкурсантларга яңадан-яңа уңышлар теләп калабыз.