Бүген Арча районының мәгариф учреждениеләре беренчел профсоюз оешмаларының волейбол буенча зона ярышы булып үтте. Безнең Наласа урта мәктәбе белэн бакчанын кушма командасы икенче урынны яулады! 

Бакчабызда чыгып килүче "Чишмә башы" газетасының март ае саны дөнья күрде.

Тема: "Рус халык курчаклары"
Максат: балаларны рус халкының милли киемнәре белән таныштыру, кызыксыну булдыру, төрле халыкларның культурасына мәхәббәт тәрбияләү.

Март ае- яз башы,бик матур ай.Бу ай яңа елның беренче ае булып йөргән. Язның көн белән төн тигезләшкән вакыты 21- 22 март - Нәүрүз бәйрәме буларак билгеләнеп үтелгән. Нәүрүз - язны каршылап,язгы чәчү эшләре алдыннан үткәрелә торган халык бәйрәме ул . Бүген Наласа мәдәният йортында бик матур итеп Нәүрүз бәйрәме үткәрдек. Бәйрәмне мәдәният хезмәткәрләре Наласа балалар бакчасының өлкән төркем балалары һәм башлангыч класслар белән берлектә үткәрде.Нәүрүз бәйрәме концерт номерлары,уеннар, табышмак- сынамышлар, җырлы- биюле уеннар белән үрелеп барды.Бәйрәм мөбарәк , илләребез тыныч, ризыкларыбыз мул булсын!

Сәнгать үсеше. Тема: "Язгы ботаклар". Максат: Балаларны язгы ботак ясарга өйрәтү.    Ботакнын үзенчәлекләрен ( бөренен төзелешен) күрсәтә белү. Табигатькә мәхәббәт тәрбияләү.

Әйләнә - тирә дөнья белән танышу
Тема: 22 март- бөтендөнья  су чыганаклары көне.
Максат: Балаларның су турындагы белемнәрен ныгыту,суның сыйфаты, үзенчэлекләре белән танышу.Сулыкларны сакларга,пычратмаска кирәклеген төшендерү. Без яшәгән тирәлектәге су һәм сулыклар турында аңлату.

Төркемебездәге матур егетебез Аязны чын күнелебездән туган көне белән котлыйбыз. Аңа  тазалык-саулык, ак бәхетләр, юмарт, ярдәмчел, игелекле, бәхетле, сау-сәламәт булып үсүен теләп калабыз

Балалар белән борчак,арпа,солы чәчтек,суган утырттык. Су сибеп үскәннәрен күзәтәбез.

Саф һавада  күңелле уеннар : " Мәче - тычкан", " Исемеңне матур итеп кем  әйтте?"һ.б

Бүген балалар бакчасында "Аҗаган" хәрби-спорт бәйрәме узды.  Бу мәктәпкәчә яшьтәге балаларда, патриотлык хисе, үз Ватаныңа хөрмәт, мәхәббәт, горурлык хисе тәрбияли. Күңелле вакыт уткәрү, үз сәләтләренне күрсәтү һәм файдалы күнекмәләр алу өчен менә дигән мөмкинлек. Уен барлык балаларны берләштерә, намуслылык, гаделлелек, команда белән бергә эшләргә өйрәтә.