В преддверии начала нового учебного года состоится ставшее традиционным Общероссийское родительское собрание с участием Министра просвещения Российской Федерации О.Ю. Васильевой. Мероприятие пройдет 29 августа 2018 г. на площадке общеобразовательной организации г. Москвы в формате видеоконференции с прямыми включениями из регионов России, во время которых Министр ответит на вопросы в области образования, интересующие общественность.

Аланның җиденче көне моңсу гына башланып китте. Музыка астында иртәнге зарядка ясадылар, яңа көнгә көч тупладылар. Иртәнге тәмле аштан соң, аланлылар Яңа Кырлай урта мәктәбенә җыелдылар. Барысы да, шау килеп, бер-берсе белән хушлашалар. Ләкин әле тагын бер зур чара оештырырга өлгерделәр. Укучылар белән “Син Тукайны беләсеңме?” исемле викторина үткәрелде, җиңүчеләр билгеләнде һәм дипломнар белән бүләкләнделәр. Аланга йөрүче укучыларның Г.Тукайның тормыш юлын һәм иҗатын тирәнтен белүләре күренде. Өйләгә кадәр аланның рәсми ябылу өлеше дә уздырылды. Укучылар йокы кирәк-яракларын тапшырдылар, документларын алдылар. Алан җитәкчеләре укучыларны хәерле юл теләп озатып калдылар.

Каникуллар балалар буш вакытының шактый өлешен тәшкил итә. Бу чор- балаларның иҗади байлыкларын үстерү, шәхси мөмкинлекләрен камилләштерү, мәдәни кыйммәтләр белән баету, үз планнарын тормышка ашыру өчен иң кулай вакыт. Каникуллар - уеннар, күңел ачу, үзең теләгәнчә эш төрләрен сайлый алу, ел буена җыелган киеренкелектән арыну, сәламәтлекне ныгыту өчен бик зур мөмкинлек тудыра. Бу чор – балаларның ирекле аралашу вакыты да. Аңлашыла ки: әти- әни үз баласының, вакытын буш эшләр белән үткәрмичә, йә авылда әби- бабайга өй эшләрендә ярдәм итеп, хезмәт тәрбиясе алуын, йә җәйге аланнарда файдалы ял итүен тели. Бу җәһәттән Татарстан Республикасы дәүләт телләре турындагы программаны тормышка ашыру максатыннан, Мәгариф һәм фән министрлыгы төрле олимпиадаларда, конкурсларда, конференцияләрдә актив катнашкан татар укучылары өчен ел саен җәйге тел өйрәнү аланнары оештыра. Бу аланнарның максаты да- татар мохитле ял аланы оештыру. Әлбәттә, татар мохите дигәч, укучыларны татар тарихы, мәдәнияте, әдәбияты белән таныштыру да, татар телен үстерү-камилләштерү дә, әби- бабаларыбыздан калган мирасны, гореф-гадәтләрне, йолаларны искә төшерүне дә, тәрбия мәсьәләләре дә күз алдында тотыла һәм шул юнәлештә эш алып барыла. 30 нчы июнь көнне “Без –Тукай оныклары “ исемле чатырлы ял аланы эшли башлады. Татарстанның Арча районы Яңа Кырлай авылы җирлегендә 6 нчы июльгә кадәр дәвам итәчәк әлеге чатырлы ял аланы ТР Мәгариф һәм фән министрлыгы ,Татарстан Республикасы Мәгарифне үстерү институты, Татарстан Республикасы Арча муниципаль районы, Арча муниципаль районы мәгариф идарәсе, Арча педагогия көллияте тарафыннан оештырылды. Катнашучылар географиясенә килсәк, Татарстанның барлык районнарыннан диярлек, шулай ук Башкортстан, Мари-Эль республикаларыннан, Оренбург, Чиләбе, Киров өлкәсеннән 12-17 яшьлек 200 яшүсмер аланыбызда ял итә. Аланның программасы татар халкының рухи-мәдәни мирасын саклап калу киңлеге булдыруга, анда катнашучыларны татар телен һәм әдәбиятын, мәдәниятен өйрәтүгә, шулай ук тормышның төрле өлкәләрендә туган телне гамәли файдалану күнекмәләрен үзләштерүгә, Г.Тукайның тормыш юлын һәм иҗатын тирәнтен өйрәнүгә юнәлтелгән иде. Алтынчы көнне иртән, аланлыларның фикерләрен белү өчен, алардан “Чыгу тесты” алынды. Укучылар тест сорауларына дөрес җавап биргәннәр, “Без- Тукай оныклары” чатырлы ял аланының эшчәнлеген дә югары бәяләгәннәр иде. Бу көнне “Без- Тукай оныклары” чатырлы ял аланын ябу тантанасы да булды. Тантанага Арча муниципаль районы хакимиятенең социаль мәсьәләләр буенча урынбасары Рамил Илгиз улы Гарифҗанов, Арча муниципаль районының мәгариф идарәсе җитәкчесе вазыйфаларын вакытлыча башкаручы Алмаз Ринат улы Ибраһимов килделәр. Аларны аланда оештырылган остаханәләрдә шөгыльләнгән укучылар каршы алдылар. Беренче отряд укучылары кунакларны Г.Тукай сүзләренә язылган “Бәйрәм бүген” җыры белән каршыладылар. Фольклорга йөрүче укучылар үз җирлекләренә генә хас милли ризыкларын кунакларга тәкъдим иттеләр. “Туган телне өйрәнүчеләр” үзләренең татарча уеннарны белүләре белән, “Кул эшләре һәм рәсем” гә йөрүчеләр үзләренең эшләнмәләре белән, “Курчак театры” остаханәсенә йөрүчеләр үзләренеңосталыклары белән кунакларны җәлеп иттеләр. Сәхнәгә күтәрелгән кунаклар аланлыларга үзләренең котлауларын һәм теләкләрен җиткерделәр. Укучылар да бик матур концерт программасы күрсәттеләр. Иң актив укучылар дипломнар белән бүләкләнделәр. Алан эшчәнлеге ахырына якынлаша. Укучыларның күбесе икенче елга да килү теләге белән яна.

Аланның дүртенче көнендә балаларны күңелле музыка уятты һәм алар иртәнге зарядкага тезелделәр. Туклыклы аштан соң, аланлыларны мәдәният йорты бинасы каршындагы мәйданчыкка җыйдылар. Туры таяк үткәрелде. Укучылар белән үткән көннәргә анализ ясадылар, киләчәккә планнар төзеделәр. Бүген аланлылар Татарстан Республикасы язучылар берлеге әгъзасы, Татарстанның атказанган мәдәният хезмәткәре, Татарстан язучылар берлегенең А.Алиш исемендәге әдәби бүләк иясе, “Казан утлары” журналының бүлек мөхәррире Вакыйф Нуриев; язучы-сатирик, Татарстанның атказанган мәдәният хезмәткәре, Татарстан язучылары берлегенең Фатих Хөсни исемендәге әдәби бүләге лауреаты, Татарстан Республикасының Габдулла Тукай исемендәге дәүләт премиясе иясе Камил Кәримовбелән очраштылар. Тере язучылар белән очрашу балаларда аерата кызыксыну тудырды, алар кунакларны сораулар белән күмделәр. Шулай ук “Салават күпере”нең баш мөхәррире Ярмеева Гөлназ; бүлек мөхәррире Дмитриева Алисә бер төркем укучылар белән “Ничек журналист булырга?” дигән темага мастер-класс үткәрделәр, бу өлкәдә үзләрен сынап карарга теләгән укучыларга киңәшләрен бирделәр. Бу көнне чын мәгънәсендә “Журналистика көне” дип атап булыр иде. Аланлылар белән очрашуга татар радиостанцияләр челтәренең баш мөхәррире Айваз Садыров; татар радиостанцияләр челтәренең продюсеры Рамил Шәрәфиев; "ТАТАР РАДИОСЫ" алып баручысы Әбри Хәбриев килгән иде. Алар укучыларга журналистика өлкәсенең серләре турында да сөйләделәр, квест үткәрделәр, уеннар да уйнаттылар. Укучылар аларны бик бирелеп тыңладылар, сәхнәдән җибәрмичә, озак кына алкышладылар. Төшке аштан соң, аланлылар Яңа Кырлай авылындагы Г.Тукай музеенда булдылар. Балалар Габдулла Тукайның тормыш юлы, туганнары турында күп мәгълүмат тупладылар. Музейга сәяхәт искиткеч файдалы булды. Әйдаманнар да укучыларны гел шөгыльләндереп кенә торалар. Бүген алар күмәк биеделәр дә, спорт уеннарына да катнаштылар. Аланлыларның кичләре дә күңелле һәм файдалы итеп оештырылды.

Аланның икенче көне күңелле генә башланып китте. Музыка астында иртәнге зарядка ясадылар, яңа көнгә көч тупладылар. Иртәнге тәмле аштан соң, аланлылар барысы да, шау килеп, ял аланының ачылу тантанасына әзерләнделәр. Әйдаманнар бигрәк актив, барлык осталыкларын күрсәтеп калырга җыенгандай, әле җырлыйлар, әле бииләр. “Без- Тукай оныклары” чатырлы ял аланының ачылу тантанасына дәрәҗәле кунаклардан Татарстан Республикасы Мәгарифне үстерү институтының бүлек мөдире Рәсимә Равил кызы Шәмсетдинова, Арча муниципаль районы хакимиятенең социаль мәсьәләләр буенча урынбасары Рамил Илгиз улы Гарифҗанов, Арча муниципаль районының мәгариф идарәсе җитәкчесе Алмаз Ринат улы Ибраһимов килделәр. Алар укучыларны бәйрәм белән котладылар, күңелле, файдалы ял теләделәр. Төркем җитәкчеләре “Без- Тукай оныклары” чатырлы ял аланының флагын күтәрделәр. Төркемнәр үзләренең исемнәре, сөрәннәре белән таныштырдылар. Бәйрәм әйдаманнарның җыр-биюләре белән үрелеп барды. Һәр чыгыш аланлылар тарафыннан алкышларга күмелде. Кичке сәгать алтыда аланлылар үзләренең чыгышларын тәкъдим иттеләр.Чынлап та, ял аланына бик сәләтле укучылар гына җыелган икән. Алар җырладылар да, биеделәр дә, Г.Тукайның әсәрләрен сәнгатьле итеп тә укыдылар. Шулай итеп, “Без- Тукай оныклары” чатырлы ял аланының икенче көне дә гаять тә файдалы һәм күңелле узып китте.