Озын-озакка сузылган кышкы  каникуллар тәмамланды.Бүген өченче чирек башланды.

Барлык укытучыларга һәм укучыларга да уңышлар телибез.

Бүген  мәктәптә педагогик совет утырышы булды.Утырышта  икенче чирек ,беренче яртыъеллык нәтиҗәләре,ЕГЭ,ОГЭ га әзерлекнең торышы турында сүз алып барылды.Икенче чирек нәтиҗәләре буенча укыту эшләре буенча директор урынбасары Гарипова Р.К. чыгыш ясады.Ул икенче чиректә белем сыйфатындагы үзгәрешләргә басым ясады,укучыларның  күп дәрес калдырулары турында әйтеп китте.Шулай ук ЕГЭ әзерлек буенча математика укытучысы Тухватуллина Л.Р. һәм  рус теле укытучысы  Гайнетдинова З.Р. үзләренең тәҗрибәләре белән уртаклаштылар.

Төрле уеннар уйнап,ярышларда катнашып, чана,чаңгы шуып каникулның үткәне сизелмәде дә.Бүген дә укучылар  мәктәпнең спорт залына җыелдылар.Алар командаларга бүленеп волейбол уйнадылар.

Бүген  мәктәптә сайлап алу  фәннәре буенча ресурс үзәк эшләде.

Укытучылар Самигуллин Т.Ф.,Марданова Н.А., Садикова Н.К.,Нигметзянов А.Д. физика,химия.биология,информатика фәннәреннән укучыларны имтиханнарга әзерләделәр.Имтиханнарга әзерләнергә Яңа Кырлай урта мәктәбе укучылары да килделәр.Ресурс үзәкнең эше киләчәктә дә дәвам итәчәк.

       8 январь көнне Арча укучылар сараенда профсоюз членнары арасында шахмат,шашка буенча финал ярышлары ү тте.Безнең мәктәптән зона ярышында җиңү яулаган Самигуллин Т.Ф.(шахмат),Файзрахманов Р.Г.(шашка)  финал ярышларында катнаштылар.Кискен көрәш нәтиҗәсендә  шахмат буенча Самигуллин Т.Ф. беренче урынны ,шашка буенча Файзрахманов Р.Г. 3 урынны алдылар.Аларны чын күңелдән җиңүләре белән котлыйбыз һәм киләчәктә уңышлар телибез.

Бүген Яңа Кенәр урта мәктәбендә рус теле фәне буенча ресурс үзәк эшләде . Яңа Кырлай мәктәбе укучылары белән берлектә 11 класс укучылары имтиханга әзерләнделәр.Имтиханнарга әзерлек укучыларның белем күрсәткечләрен исәпкә  алып  өч группага  бүлеп алып барылды.Һәр группага төрле дәрәҗәдәге эшләр тапшырылды.Укучылар үзләрен борчыган сорауларын бирделәр.

Бүген каникулның уникенче көне .Каникуллар бетәргә әз генә вакыт калды.Укучылар каникулны күңелле һәм файдалы итеп үткәрергә тырышалар. Бүген башлангыч сыйныф укучылары физкультура укытучысы Аглямов Р.М.белән берлектә төрле хәрәкәтле уеннар уйнадылар.Уеннар командаларга бүленеп ярыш формасында алып барылды.Алар эстафетада,скакалка сикерүдә.капчык киеп йөгерүдә үзләренең көчләрен сынадылар.

Бүген Яңа Кенәр урта мәктәбендә математика фәне буенча ресурс үзәк эшләде . Яңа Кырлай мәктәбе укучылары белән берлектә 11 класс укучылары имтиханга әзерләнделәр.Имтиханнарга әзерлек укучыларның белем күрсәткечләрен исәпкә  алып  өч группага  бүлеп алып барылды.Һәр группага төрле дәрәҗәдәге эшләр тапшырылды.Укучылар үзләрен борчыган сорауларын бирделәр.

Бүген 8 класс укучылары класс җитәкчеләре  Габдрахманова И.М.һәм Ахметгараева Л.Н.белән берлектә спортзалда күңеле стартлар уены үткәрделәр.8А һәм 8Б класс укучылары төрле хәрәкәтле уеннарда үзләренең көчләрен сынаштылар.Укучыларның бүгенге көннәре бик файдалы һәм күңелле үтте.

Бүген 7 класс укучылары "Әти,әни һәм мин -спорт сөюче гаилә" исемле күңелле стартлар үткәрделәр.Анда "Җитезләр","Көчлеләр" һәм "Кыюлар" командалары көч сынаштыларэ.Алар үзләренең көчләрен аркан тартышуда,дартста,скакалка сикерүдә һәм башка төрле ярышларда сынадылар.Нәтиҗәдә "Кыюлар" командасы җиңүче булды.