Яңа Кенәр мәктәбенең актлар залында Гашыйклар көне уңаеннан бәйрәм уздырдылар.Бәйрәмдә 9-11 класс укучылары катнашты.Бәйрәмне Яңа Кенәр мәктәбендә практика үтүче  Арча педагогия  көллияте студентлары Сабирова Гөлия,Валиуллина Венера,Салахова Алсу оештырдылар.Парларны төрле конкурсларда сынадылар."Пар аккошлар",Пар йөрәкләр",Гашыйклар","Чын дуслык" номинацияләрендә җиңүчеләр билгеләнде.Кичә бик күңелле булды.

9 -14 февраль көннәрендә Яңа Кенәр урта мәктәбендә табигать фәннәре атналыгы узды.Атналыкта биология,химия,география,физика фәннәре укытучылары ачык дәресләр һәм ачык класстан тыш чаралар күрсәттеләр.14 февраль көнне биология фәне укытучысы Садыкова Нүрфия Камилевна  9А классында биологиядән "Җенессез үрчү" темасына ачык дәрес күрсәтте.Дәрес Сингапур структурасы кулланып  үткәрелде.

 Бөек Җиңүнең 70 еллыгы уңаеннан сугыш ветераннары белән очрашу,аларның өйләрендә булу даими булып тора.Бүген Яңа Кенәр урта мәктәбендә шундый зур очрашу үтте.Сугыш һәм хезмәт ветераны,гомерен балаларга белем бирүгә багышлаган Сафаров Мидхәт абый мәктәпкә очрашуга килде. Сугышны үз башыннан кичкән ветераннар хәзер бик аз.Исәннәренең дә күбесе очрашуларга килә алмыйлар. Мидхәт абый укучыларга үзенең башыннан кичкәннәрен сыйләде,укучыларны кызыксындырган сорауларга җавап бирде."Сугышлар булмасын,бер гаепсезгә кемнеңдер газиз әтисе,улы сугыш кырларында башларын салмасын"- дип теләде,хөрмәтле ветеран.

10 нчы сыйныф укучысы Валиуллина Раилә Илдар кызы һәм 11 нче класс укучысы Хабибуллина Айсылу Илһам кызы  татар әдәбиятыннан  республика олимпиадасында катнаштылар һәм уңышлы чыгыш ясадылар. Кызлар икесе дә бик тырышлар.Киләчәктә без аларга уңышлар телибез.Куйган максатларына һәрвакытта ирешсеннәр дигән теләктә калабыз.

12 февраль көнне  Арчаның сәнгать мәктәбендә "Класс җитәкчесе-2015 "республика бәйгесең  район этабы үтте.Анда Яңа Кенәр мәктәбенең 2 Б сыйныфы җитәкчесе Сафина Рания Саубановна катнашты.Рания Саубановна 3 урынга лаек бип табылды.Эзләнүчән, эшлекле класс җитәкчесен ата-аналар да ,укучылары да бик яраталар.

Рания Саубановнаны без шушы җиңүе белән котлыйбыз һәм киләчәктә дә уңышлар телибез. 

С 1 февраля 2015 года начался прием заявлений в 1 класс на 2015-2016 уч.год от проживающих на закрепленной территории.Общее количество мест- 22.

12 февраль көнне укытучы Марданова Нурия Әгъзамовна химиядән "Кем белә?" дип аталган конкурс үткәрде.Конкурста 9 Б класс укучыларыннан торган 2 команда катнашты.Алар химиядән үзләренең белемнәрен күрсәттеләр.

Бүген Яңа Кенәр мәктәбенә әфган сугышы ветераннары җыелды.Яңа Кенәр авыл җирлегендә барысы 16 әфганчы бар,шуның 7се очрашуга килгән иделәр.Әфган сугышы тәмамланганга быел 26 ел була.Шул вакыт эчендә, сугышны исән-сау үтеп кайткан ветераннарның күбесе һәлак булды.Аларны бер минутлык тынлык белән искә алдылар.Очрашуга килгән ветераннар үзләре дә чыгыш ясады.Алар укучыларга тырышып укырга кирәклеген,спорт белән шөгелләнергә кирәклеген әйттеләр.Илдә сугышлар гына булмасын,яшь егетләрнең гомерләре армия хезмәтендә өзелмәсен дип телиләр,әфганчылар.

Очрашу җыр-бию,матур шигырь,котлаулар белән үрелеп барды.

Бүген  укытучы Ахметова Илмира Музагитовна 7 класслар өчен  географиядән уен-сәяхәт оештырды.Уен-сәяхәт "Ерак Амазонкада минем әле булганым юк" дип атала.Укучылар Амазонка буйлап "сәяхәт"иттеләр."Сәяхәтчеләр" төрле каршылыкларга очрадылар һәм аларны җиңеп чыктылар.Уен укучыларга бик ошады.Бу сәяхәттә катнашып алар Амазонка турында үзләренең белемнәрен арттырдылар.

Табигать фәннәре атналыгы кысаларында төрле чаралар уздырылды.Шуларның берсе-"Кызыл китапта"та кунакта дип атала.10 класс укучылары башлангыч класс укучыларын  "Кызыл китап" белән таныштырдылар.Алар укучыларны безнең якларда үсүче,  җир йөзеннән юкка чыгып баручы үсемлекләр белән таныштырдылар.Шулай ук хайваннар дөньясына сәяхәт ясадылар.Башлангыч класс укучылары чыгышны зур кызыксыну белән тыңладылар.