8 апрель көнне Яңа Кенәр урта мәктәбендә ата-аналар җыелышы үтте.Җыелышты мәктәп директоры Хайруллина З.И. әти-әниләрне укучыларны ашату положениесы белән таныштырды.Уку эшләре буенча директор урынбасары  Ахметова И.М. 9 класс укучыларының ГИА  тапшыру һәм 11 класс укучыларының ЕГЭ тапшыру тәртибе белән таныштырды.Тәрбия эшләре буенча директор урынбасары Ханафиева С.К. "Балаларның  таркаулыгы" дигән темага доклад ясады.

9 апрель көнне Кзыл-Яр башлангыч мәктәбендә өстәл хоккее  буенча ярыш үткәрелде. Уенны физкультура укытучысы Хайруллин Рәмис оештырды. Уенда 3 Г һәм 4 Ж укучылары катнашты. 1 нче урында 4 Ж класс укучысы Бакиев Камил, 2 нче урында 4 Ж класс укучысы Ахматсалихов Адель, 3 нче урында 4 Ж класс укучысы Гыйниятов Инсаф, 4 нче урында 3 Г класс укучысы Фазылҗанов Рамзил булды. Аларны уңышлы чыгышлары белән котлыйбыз.

"Казан арты "тарих-этнография музеенда Бөек Җиңүнең 70 еллыгы уңаеннан "Сәлам франттан" дип исемләнгән фәнни-гамәли конференция үткәрелде.Конференциядә 4Б класс укучысы Хайруллина Азалия "Онытылмас хәтирәләр",6А сыйныфы укучысы Аксакова Миләүшә "Фронттан хат"(җитәкчесе Фазуллина Л.Р.).татар теле укытучысы Нигматуллина Л.С. "Алар җиргә Җиңү китерделәр",инглиз теле укытучысы Хайруллина Л.А. "Ул елларны ничек онытасың" дип исемләнгән фәнни эшләре өчен диплом белән бүләкләнделәр.Котлыйбыз.

7 апрель көнне Арча педагогия көллиятендә "Фән һәм без" дип аталган фәнни-гамәли конференция булды.Бу конференциядә 7А класс укучысы Нәҗметдинова Алинә катнашты.Ул "Авылдашым-татар математигы Юныс Оруви әл Казани" дигән тема астындә чыгыш ясады һәм "Математика тарихы үсеше" номинациясендә җиңеп диплом белән бүләкләнде.Алинәнең бу галим турындагы статьясы да басылып чыкты.Алинәне чын күңелдән уңышы белән котлыйбыз.

“Казан арты” тарих-этнография музее үткәргән Бөек Җиңүнең 70 еллыгына багышланган “Сәлам фронттан!” фәнни-гамәли конференциядә катнашканнары һәм чыгыш ясаганннары өчен 6 сыйныф укучысы Аксакова Миләүшә һәм аның укытучысы Фазуллина Л.Р. диплом белән бүләкләнделәр.

8 нче апрель көнне Кзыл-Яр һәм Түбән Оры башлангыч мәктәбе укучылары Яңа Кенәр урта гомуми белем мәктәбенең 5 нче класс укучылары белән берлектә Арча мәдәният йортында Галискәр Камал исемендәге татар дәүләт академия театры артистлары куйган "Авыл эте Акбай" исемле спектакль карадылар. Спектакль балаларга бик ошады. Бу спектакль хайваннарга карата игътибарлылык тәрбияли.

Арчада югары класс укучылары һәм ВУЗ,СУЗ студентлары арасында район спартакиадасы үтте.Ул Бөек Җиңүнең 70 еллыгына багышланды һәм "Спорт сөюче яшьләр-Арчаның сәламәт киләчәге "исеме астында үтте.Яңа Кенәр урта мәктәбенең волейбол командасы бу спартакиадада катнашты һәм икенче урынны алды.Аларны чын күңелдән җиңүләре белән котлыйбыз һәм уңышлар телибез.

4 апрель  Яңа Кенәр урта мәктәбендә өмә булды.Анда барлык укучылар катнашты.Өмәдә тирә-яктагы җыелып торган карларны тараттык.

2 апрель-Халыкара балалар китабы көне уңаеннан 2Б класс укучылары класс җитәкчесе Сафина Р.С. белән Яңа Кенәр авылының балалар китапханәсенә бардылар.Китапханәчеләр Суфия һәм Ләйсән апалары аларга китаплар турында сөйләделәр,газета -җурналлар белән таныштырдылар.Шулай уку укучылар табышмаклар чиштеләр,төрле кызыклы сорауларга җавап бирделәр.Балалар бу очрашудан бик канәгать калдылар.

30 март көнне мәгариф учреждениеләренең профсоюз оешмалары арасында волейбол буенча район беренчелеге узды.Хатын-кызлар арасында зона ярышларында җиңгән 8 команда "Арча" спорт комплексында,ир-атлар арасында 6 команда Арча балалар иҗаты йортында көч сынаштылар.Көне буена сузылган киеренке көрәш нәтиҗәсендә Яңа Кенәр урта мәктәбенең хатын -кызлар командасы район буенча 6 нчы ,ә ир-егетләр 1 урынны яуладылар.Зөлфәт Хайруллин ир-егетләр арасында иң яхшы уенчы дип табылды.Җиңүчеләргә Мактау грамоталары һәм истәлекле бүләкләр тапшырылды.