8 гыйнварда “Арча” балалар-яшүсмерләр спорт мәктәбендә район буенча өстәл теннисы, бадминтон буенча ярышлар узды. Мәктәпнең өстәл теннисы буенча җыелма командасы  1 урынны яулады. Котлыйбыз!!

6 гыйнварда «Арча» балалар һәм яшүсмерләр спорт мәктәбендә «Биредә йолдызлар кабына» дигән исем астында үткәрелгән спорт һәм сәламәтлек фестивале кысаларында чаңгы ярышлары үтте. Анда Арча районы мәктәпләре катнашты. Безнең мәктәп командасы 2 урынны яулады. Котлыйбыз!!!

28 нче декабрьдә районда укучылар өчен төп чыршы бәйрәме үзды. Анда безнең мәктәптән 8 класс укучысы Гатин А. һәм 9 класс укучысы Газизов А.лар катнашты. Укучылар бәйрәмне бик яратып  кайттылар.

Бүген Яңа Кишет төп мәктәбендә профсоюз членнары арасында шашка, шахмат ярышлары үзды. Анда безнең мәктәпнең башлангыч класслар укытучысы Таҗиева Г.С. шашка буенча  1 нче урынны яулады.

Быел 6-8 класс укучылары Яңа ел бәйрәмен "аэропортта" каршыладылар. Әйе, бәйрәмнең сценарие нәкъ менә шулай төзелгән иде. Монда "чит ил" кунаклары да, фокусчылар да, төрле ил артистлары да булды. Укучылар рольләрне зур осталык белән башкардылар. Тамашачылар бик канәгать калды.

Бүген Хәсәншәех мәдәният йортында 1-5 класс укучыларының "Чыршы бәйрәме" үтте. Укучылар бәйрәмгә төрле костюмнар әзерләгәннәр. Алар тамаша кылырга килгән әти-әниләренә, кунакларга үзләренең осталыкларын җырлар, биюләр, нәфис сүз аша җиткерделәр. Авыл халкы укучыларның чыгышын бик ошатты.

Яңа ел чыннан да сихри, могҗизалы бәйрәм. Ул беркемне дә битараф калдырмый. Бу бәйрәмгә әзерлек шуңа күрә дә алдан башлана, анда укучылар да, укытучылар да, әти- әниләр дә катнаша. Яңа ел символларын төрлечә ясап карадык. Сезгә дә ошыйдыр безнең гүзәл чыршылар, кар бабайлар!

Бүген SMS-балалар отряды "Могҗиза бүләк ит" акциясе үткәрде. Алар Кыш бабай белән берлектә Хәсәншәех балалар бакчасына бардылар. Отряд членнары кечкенәләр белән җырлар, биюләр башкардылар, төрле уеннар уйнадылар..