Тарих укытучысы Бадгиев Р.М. 7-8 нче сыйныфларда "Сталинград сугышына" на багышланган  батырлык дәресе үткәрде. Бу дәреснең максаты: үсеп килүче буынның үз иленең тарихын һәм әби-бабайларыбызның  батырлыгын оныттырмау.Видеофильм һәм презентацияләр аша сугышның аяусыз, рәхимсез булуын һәм халкыбыз хәтерендә мәңге җуелмаслык хатирә булып калуына төшенделәр. 

Казан шәһәрендә татар мәктәпләрендә укучы балаларның татар теленнән Республика олимпиадасы узды.Безнең мәктәптән 4 сыйныф укчысы Хамидуллина К. бу олимпиадада катнашып ,призёр булды.Без Камиләне һәм укытучысы Таҗиева Г.С. ны зур җиңүләре белән котлыйбыз.Аларга сәламәтлек,эшләрендә һәм укуларында яңадан - яңа уңышларга ирешүләрен теләп калабыз.

25 гыйнвар- студентлар көне уңаеннан, мәктәбебездә студентлар белән очрашу үткәрелде. Өлкән сыйныф укучылары студентлар тарафыннан күп мәгълүмат туплады, үзләрен кызыксындырган сорауларга җавап таптылар. Очрашу бик җанлы булды. 

Бүген мәктәптә 872 көн һәм төн дәвам иткән чолганыш вакытында гомерләре киселгән ленинградлыларны искә алу максатыннан кино күрсәтелде,сыйныф сәгатьләре  үткәрелде. Төп максат - Бөек Ватан сугышы һәм аның дәһшәтле вакыйгалары турында тарихи хәтерне саклау, сугышның иң фаҗигале хәлләреннән берсе - Ленинград блокадасы чорына игътибарны юнәлтү, мәктәп укучылары күңелендә авыр сынаулар узган кешеләр язмышына карата мәрхәмәт һәм икмәкнең (ризыкның) кадерен белү хисләре уяту.