Бу очрашуда Тәбрик абый Галиев үзенең сугышчан дусларын искә алды,хатирәләре белән уртаклашты.Очрашу спорт залында Форпост отрядларының ярышлары белән дәвам итте.Патриотик тәрбия бирү максатыннан уздырылган бу чара югары сыйныфлар өчен чын тормыш дәресе булды.

Шушмабаш урта мәктәбендә узган "Ел класс җитәкчесе - 2019" конкурсының зона этабында безнең мәктәптән башлангыч сыйныфлар укытучысы Гозәерова Л.Г. уңышлы чыгыш ясады.Класс җитәкчеләре визит карточкалары тәкъдим иттеләр һәм ачык тәрбия чарасы уздырдылар. Ләйсән Габдуллаҗановна 2 нче класс укучылары белән "Әгәр итсәң берәүгә син изге эш, үзеңә дә килер шундый ук өлеш" темасына класс сәгате үткәрде.

10 нчы  февраль көнне Ашытбаш җирлегендә район укучылары арасында  чаңгы ярышы булды.Безнең мәктәп командасы бу ярышта II яулады.Җитәкчеләре: Мостафин Р.Р.

10 нчы февраль көнне Хәсәншәех авылында,Әфганстаннан совет гаскәрләрен чыгаруга 30 ел тулу уңаеннан,2002 һәм  кечерәк егетләр арасында хоккей ярышы уздырылды.Безнең егетләр командасы II урынны яулады.

Бүген Хәсәншәех төп гомуми белем мәктәбендә батырлык дәресләре үтте.Авылыбыздан Әфган һәм Чечня сугышларында катнашкан егетләребез искә алынды,аларга карата горурлану, соклану хисләре туды.Батыр - тәвәккәл,кыю,үз-үзенә ышанучан,авырлыкларга бирешмәүче,туган илен,халкын яратучы патриот ул, дигән матур фикерләр тыңланды. 

Бүген  "ФОРПОСТ”  отрядлары зона спартакиадасы булды. Ярыш төрле номинацияларга бай иде һәм безнең укучыларыбыз  сынатмадылар. Нәтиҗәдә, I урынга лаек булдылар. Җитәкчеләре Зиннатуллин Р.Ш.

8 нче сыйныф укучысы Хабибуллин Н. "Иң яхшы вожатый" Республика конкурсының муниципаль этабында катнашып, "Иң заманча отряд вожатые" номинациясендә җиңү яулады.Педагог-организатор Нуриева Т.Г. ны һәм Надирны зур җиңүләре белән котлыйбыз,иҗади уңышлар телибез.

2  нче февраль көнне Иске Кырлай мәктәбендә Фәнил Гарафиев истәлегенә 8 нче тапкыр традицион чаңгы ярышлары уздырылды. Ярышларда барлыгы 15 мәктәптән һәм Арча педагогия көллиятеннән 111 укучы катнашты. Ярышта 3 нче урынны безнең мәктәп командасы яулады! Җиңүчеләребезне чын күңелдән котлыйбыз! Нык сәламәтлек, киләчәктә дә зур уңышлар телибез!