Хәсәншәех төп гомуми белем мәктәбендә 3нче чирек нәтиҗәләре буенча әти-әниләр җыелышы булды.  Ата-аналарны юл йөрү кагыйдәләре, машинада балалар өчен кресло таләпләре, утяктырткыч элементлары, штраф төрләре һәм башка күп төрле закон-кагыйдәләрне аңлатып үттеләр. Шулай ук ата-аналарның  сорауларына җавап бирделәр. Уку-укыту эшләре буенча директор урынбасары Бадгиев Р.М. 3 нче чирек нәтиҗәләре, алда торган ВПРның нинди тәртиптә үтәчәге белән таныштырды.  Тәрбия эшләре буенча директор урынбасары Гафетдинова Э.Д. балаларның тәртибенә, үз-үзләрен тотышына игътибарлы булырга чакырды.

 "Иң матур сыерчык оясы" конкурсында Хәсәншәех мәктәбе  актив катнашты. Һәр бала матур,унайлы сыерчык оялары ясап алып килде. Иң матур сыерчык оясы ясаган Ахметов Вәкилнең эше район конкурсына җибәрелде.

Мәктәбебезнең татар теле укытучысы Нуриева Т.Г. күренекле авылдашыбыз, Татарстанның атказанган  артисты Люция Хәсәнова белән очрашу кичәсе оештырды. Люция апа Хәсәншәехта үткән бала чакларын, җирле мәктәптә үзен укыткан укытучыларны искә алды.Институтта укып белем алуы, җырчы буларак дөньяның төрле илләрендә булуы, педагог буларак шәкертләренең уңышларына сөенеп яшәве турында ихлас сөйләве укучылар күңелендә озак сакланыр. Барча катнашучылар бу очрашудан күңелләренә шифа алдылар.

Республика буенча уздырылган каратэ ярышында Хамидуллин Р. - I урын, Набиев Н. - I урын, Хамидуллина А. - I урын яуладылар. Аларны зур җиңүләре белән котлыйбыз!!

15 нче март көнне " Без бергә" конкурсының мәктәп этабы узды, район этабына номерлар сайланды.

Арча шәһәрендә узган бу конкурста безнең мәктәптән Гарипова Р. һәм Гарипова З. уңышлы чыгыш ясадылар.

9 нчы мартта, Арчадан Яңа Кырлайга кадәр чаңгыда "ТукайSKI - марафон 2019" булды. Марафонга көчле чаңгычылар җыелган иде. Безнең мәктәптән бу марафонда 7 нче сыйныф укучысы Гафетдинов Р. уңышлы катнашып кайтты. Афәрин, Раил!

Кояш нурларына, тамчылар чынына торенеп март ае да килеп житте. Табигатьнен язгы узгэреш кичергэн бер мэлендэ без гузэл затларыбызнын ин куркэм бэйрэмен – 8 Март Халыкара хатын-кызлар конен билгелэп утэбез. Язгы кояш нурына кумелгэн элеге бэйрэмдэ мэхэббэт, матурлык, ана назы, ягымлылык, мэрхэмэтлелек, шэфкатьлелек, сабырлык, хатын-кызга ихтирам кебек мэнгелек кыйммэтлэр чагылыш таба. Бу матур бэйрэм конендэ безнен ихлас котлауларыбызны кабул итегез.Язгы горлэвеклэр сезнен тормышыгызга жылылык, саулык-сэламэтлек, эшегездэ унышлар, кунел тынычлыгы, кутэренке кэеф, бэхет алып килсен!

  Бүген  8 нче март Халыкара хатын  - кызлар көне уңаеннан 8 нче сыйныф укучылары (җит. Хәйретдинова Р.Т.) әниләрне,кызларны котлап бай эчтәлекле концерт белән чыгыш ясадылар.Концерт программасы котлаулар, җырлар, биюләр, миниатюралар белән үрелеп барды.