"Мини-Мисс Актаныш - 2014"  Бу дәрәҗәле  титулга безнең 5 класс укучысы Абышева Алия лек булды. Кичә "Яшьлек" милли-мәдәни үзәгендә нәни гүзәлләребез арасында конкурс булып узды. Һәр елдагыча катнашучылар бик күп иде. Берсеннән-берсе чибәр, уңган, талантлы кызлар арасыннан иң-иңнәрне сайлап алу жюрига да бик җайлы булмагандыр. Без Алиябезнең "иң-иң" булуына бик сөендек. Уңышларың алга таба да күп булсын, Алия!

Кошлар көне кысаларында игълан ителгән рәсем ясаучылар, табышмак әйтүчеләр, викторинада җиңүчеләрне котладык. Барлык укучылар да бик актив катнаштылар. Биология укытучысы Халикова Илиза Нәсих кызы җиңүчеләргә грамоталар һәм тәмле бүләкләр тапшырды.

7 апрель көнне балар иҗат үзәгендә мәктәп укучыларының кул эшләре һәм  техник модельләштерү  күргәзмәсе узды. Безнең мәктәптән "Оста куллар" түгәрәгенә йөрүче егетләрнең  агачтан төрле ысуллар белән эшләнгән иҗади эшләре, судомоделирование һәм авиамоделирование буенча эшләгән модельләре, авыл хуҗалыгы техникалары тәкъдим ителде.  (җитәкчеләр - Латыйпов Ирек Рифкать улы, Мансуров Рузил Касыйм улы). 10 сыйныф укучылары Гыйльманов Булат һәм Шәесламов Рамазан уңышлы чыгыш  ясадылар.

Кичә, 7нче апрель көнне, безнең мәктәп зонасында 9класс укучыларының татар теленнән имтихан биреп карау үткәрелде. Яңа Кормаш, Күҗәкә, Мари Суксу мәктәпләреннән килеп укучылар тест биремнәре эшләделәр, үзләренең белемнәрен сынадылар. Бу әзерлек эшләрен оештыру аларга имтихан вакытында каушап калмаска, психологик яктан да чыныга торыр өчен бик файдалы булгандыр дип ышанасы килә.

Кичә безнең егетләребез Байсар мәктәбенә баскетбол ярышына барып 2 урын яулап кайттылар. Команда составы: Басыйров Рушат, Шәесламов Рамазан, Ганиев Рамазан, Хуҗин Илназ, Мөлеков Разил, Фазлыев Рузил, Шәйхразив Айзат. Егетләргә киләчәктә зур уңышлар телибез!

Кичә Актанышның икенче мәктәбендә   Бөек Җиңүнең 70 еллыгына багышлап ясалган баннерларны яклау булды. Безнең якташыбыз, Советлар Союзы Герое Баян Дәүләтовка багышланган баннерыбыз уңай яктан бәяләнде.

Яр Чаллы шәһәрендә үткәрелгән "Агачны сәнгатьчә эшкәртү" республика күргәзмә-конкурсында   катнашып, Тат.Суксу урта мәктәбенең 7 класс укучысы Әюпов Шамил 1 урын, 10 класс укучысы Гыйльманов Булат “Скульптура” номинациясендә 3 урынга лаек булдылар (җитәкчесе Латыйпов Ирек Рифкать улы) һәм диплом белән бүләкләнделәр.

Кичә мәктәбебездә 9 сыйныф укучыларының ата-аналар җыелышы булды. Җыелыш укучылар һәм ата-аналар, фән укытучылары катнашында үтте. Җыелышта ДЙА га әзерлекнең торышы турында чыгышлар тыңланды, киңәшләр бирелде. 

Язгы каникул вакытында укучылар "Кошлар көне"нә әзерлек максатыннан рәсемнәр, кош оялары ясадылар, иншалар яздылар. 4 класс укучысы Сөләйманова Таңсылу сыерчык оясы ясап алып килгән.

26, 27 март көннәрендә Хакимият башлыгы призына үткәрелгән көрәш ярышында Шәйхәйдаров Заһид 32кг.га кадәр үлчәүдә 1 урынга лаек булды. Көрәшче егетебезгә алга таба да зур уңышлар яулавын теләп калабыз!