М.Җәлил урамында яшәүче Әнүдә апага 8 класс укучылары шефлык итәләр. 15 нче сентябрь көнне аның туган көне уңаеннан класс җитәкчесе Илнар абыйлары җитәкчелегендә алар  аның өендә булып үзләре әзерләгән бүләкләрен һәм күчтәнәчләрен биреп кайттылар

Авыл фельдшерлары Тимирова Рүзилә  һәм Мөхәммәдиева Дәмирә  апалар укучыларның чисталыкларын, сәламәтлекләрен тикшерделәр һәм гриппка каршы прививка ясадылар. Грипптан саклану чаралары хакында балаларга мәгьлүмат бирделәр.

 Уку белән бергә укучылар хезмәт белән дә шөгыльләнәләр. Мәктәп бакчасында зур күләмдә эш башкардылар. Бәрәнге,чөгендер, кишер алып, ашханәдә туклану өчен, саклауга салдылар

Игелеклелек атналыгы  кысаларында  8 нче класс укучылары белән Илнар абыйлары “ Игелекле эшләр” дип исемләнгән класс сәгате үткәрде. Укучыларга игелекле эшләр, өлкәннәргә карата шәфкатле, мәрхәмәтле булу, туган җирне ярату турында аңлатылды һәм  алар белән фикер алышынды.

1 нче сентябрь - Белем бәйрәме. Бу көнне шулай ук класс сәгатьләре үткәрелә 8 нче класс укучылары белән “Тынычлык сагында” темасына класс сәгате үткәрелде. Дәрестә мәктәп директоры Айгиз Халилович та катнашты.

18 нче август көнне безнең мәктәп базасында химия-биология укытучыларының  район семинары булып узды. Семинар барышында укытучыларның чыгышлары тыңланды, эшлекле уеннар оештырылды һәм мәктәнең тәҗрибә участогы белән танышылды.  

 "Яшь татнетчылар" татар сайтларын ясаучы балалар бәйгесе быел икенче мәртәбә үткәрелде. Ул Татнетны үстерү фонды һәм Яр Чаллы шәһәре «Мулланур Вахитов исемендәге 2 нче гимназия»се тарафыннан 2015 елда оештырылган иде. Быел бәйгене оештыручылар составына ТР «ТИСБИ» идарә университеты» дәүләти булмаган югары профессиональ белем бирү учреждениесенең Яр Чаллы филиалы да кушылды.Җиңүчеләрне бүләкләү тантанасы 20 май көнне Яр Чаллы шәһәренең Мулланур Вахитов исемендәге 2 нче гимназиясендә үтте. V-IX сыйныфлар арасында республика күләмендә II урынны “Могҗизалы дөнья”  сайты белән  7 нче класс укучысы  Зиннурова Алинә яулады (җитәкчесе Гыйлмуллина Ч.З.). Аны чын күңелдән җиңүе белән котлыйбыз!

С  11 мая по всей  стране  начались  всероссийские  проверочные  работы  у четвероклассников. В этот день они выполняли первую часть работы по русскому языку:  написали  диктант с грамматическим заданием. свои знания по работе с текстом и по грамматике.

Бүген мәктәбебезнең 9 нчы класс укучылары РЦМКО тарафыннан әзерләнгән профориентация буенча тестларны эшләделәр.