13, 14 нче февраль көннәрендә "Йолдызлык-2017" сәнгать фестиваленең муниципаль туры узды. Безнең мәктәп укучылары ялгыз җыр, вокал-ансамбль, конферанс, эстрада,халык биюләре номинацияләрендә уңышлы чыгыш ясап кайттылар. Аларга киләчәктә дә уңышлар телибез.

15 нче февраль- афганчылар көне буларак билгеләп үтелә. Балаларда Ватанга карата мәхәббәт, патриотлык хисе тәрбияләү өчен  8 нче класс укучылары белән  класс җитәкчесе Илнар Шәйхенурович “ Әфганстан-йөрәк ярасы” дип аталган класс сәгате үткәрде. 

14 февраль – Гашыйклар көне һәм программистлар көне уңаеннан мәктәптә зур кичә оештырылды. Ике команда:  “Яндекс”   һәм “Гугл” информатика өлкәсендә көч сынаштылар. Бәйрәм 5-11 класс укучыларының “Бер күрүдә гашыйк булу” темасына төшергән видеолары белән үрелеп барды. Бик күңелле һәм файдалы кичә булды.

Татар халкының бөек шагыйре, көрәшче, Бөек Ватан сугышы каһарманы Муса Җәлилнең туган көне уңаеннан 3-4 сыйныф укучылары белән ”Гомере аның моңлы бер җыр иде...” темасы астында кичә уздырылды. Балалар Муса Җәлилнең кыскача биографиясе,   язучыларның аның турында язган истәлекләре, аның шигырьләре, китаплары белән таныштылар,өзекләр укыдылар. Кайбер шигырьләрен яттан сөйләп,җырларын җырладылар.

10 февраль көнне республикакүләм “Шәп әйдаман” конкурсының район этабы үтте. Анда безнең мәктәптән 8 нче класс укучысы Шәрифҗанова Айзирә катнашты. Үзе турында презентация күрсәтте, тестирование үтте, әйдаманнар белән ачык чара уздырды. Уңышлы гына чыгыш ясап, сертификатка ия булды. Айзирәгә киләчәктә  зур уңышларга ирешүен телибез.

9-12 нче февраль  көннәрендә Казан шәһәрендә  биология  буенча укучыларның бөтенроссия фән олимпиадасының региональ  этабы булып узды. Анда безнең мәктәпнең  10 класс укучысы  Гилмуллин Илназ катнашты һәм уңышлы чыгыш ясап кайтты. Аңа киләчәктә дә зур уңышлар телибез.

10-14 нче февраль аралыгында география буенча Казан шәһәрендә укучыларның бөтенроссия фән олимпиадаларының  региональ  этабы булып узды. Безнең мәктәптән 9 нчы класс укучысы Собханова Таңсылу анда катнашып уңышлы гына чыгыш ясады.

 11 февраля 2016 года  в нашей школе прошел школьный этап Всероссийского конкурса юных чтецов «Живая классика». Конкурс организован для 5-6 классов. С удовольствием  принимали участие шестиклассники. Ребята готовили выразительное чтение прозаических  произведений, не входящих  в школьную программу.  Участники читали наизусть прозу   отечественных классиков. Жюри конкурса учитывало не только выразительность чтения и  грамотную речь, но и оценивало артистизм исполнения, глубину проникновения в  образную систему и смысловую структуру текста, умение выбрать текст произведения. 

 13 февральдән 18 февральгә кадәр мәктәптә математика, информатика, физика атналыгы узачак. Атналыкта барлык укучыларның да актив катнашуларын көтеп калабыз!

Сәламәт яшәү рәвешен пропагандалау, укучылар арасында наркоманиянең таралуын булдырмас өчен 8 нче класс укучылары белән “ Мин яшәргә телим!” дип исемләнгән тәрбия сәгате үткәрелде/