23 нче ноябрь көнне 4 нче сыйныфта  “Ачык ишекләр көне “булып узды. “Әниләр көне” уңаеннан “Иң-иң кадерле кеше” темасы астында татар теленнән дәрес тыңладылар. Соңыннан җыелыш булды. Анда укучыларның дәрескә йөреше һәм укуга карашлары турында сүз алып барылды. 

17 нче ноябрь  көнне укучыларның бөтенроссия фән олимпиадалары кысаларында география  фәненнән  үткәрелгән  олимпиадада 7, 9 нчы класс укучылары  Мирхайдаров Разил һәм Собханова Таңсылу җиңүче булып танылдылар. Аларны  чын күңелдән котлыйбыз һәм киләчәктә дә уңышлар телибез.

Бүген, 16 ноябрь көнне, бердәм дәүләт имтиханнарына багышланган 9, 11 класс  ата-аналарының җыелышы булып узды. Ата-аналар математика һәм рус теленнән ачык дәресләр карадылар. Укучылар имтихан эшләрен эшләп күрсәттеләр. Соңыннан яңа гына булып узган сынап карау эшләренә анализ ясалды, ата-аналар  имтиханнарга әзерлекнең торышы белән таныштылар. 

16 нчы ноябрь көнне 8 нче класс укучылары белән халыкара “Сукырлар көненә” багышланган класс сәгате үткәрелде.

14 нче ноябрь  көнне укучыларның бөтенроссия фән олимпиадалары кысаларында экология  фәненнән  үткәрелгән  олимпиадада 7 нче класс укучысы Миннекәев Вилдан җиңүче булып танылды. Аны чын күңелдән котлыйбыз һәм киләчәктә дә уңышлар телибез.

4 нче ноябрь - Россия халыкларының бердәмлеге көне. Шул уңайдан 8 нче класс укучылары белән класс сәгате үткәрелде. Укучыларга бу көннең барлыкка килү тарихы, аның әһәмияте турында аңлатылды.

 2 нче ноябрь көнне, Казан шәһәренең Г.Камал исемендәге Татар дәүләт академия театры бинасында VII Дөньякүләм “Белем җәүһәрләре” файдалы татар интернет-проектлары бәйгесенең җиңүчеләрен бүләкләү тантанасы узды. Әлеге тантанада безнең мәктәптән  дә укучылар катнашты. “Укучы –җәүһәр” номинациясендә 10 сыйныф укучысы Гыйлмуллин Илназ  “ Җиңү эзләре буйлап”, 8 сыйныф укучылары Зиннурова Алинә “Могҗизалы дөнья”, Шәрифҗанова Айзирә  “Тузганак” интернет- проектлары  белән уңышлы катнашып,  диплом һәм бүләккә ия булдылар. 

1 ноябрь көнне республикакүләм “Шома бас”  бию бәйгесенең район туры этабында  безнең мәктәп укучылары фольклор ансамбль белән катнашып,  уңышлы чыгыш ясадылар.

Памятка для родителей (законных представителей) обучающихся по противодействию коррупции в образовательных организациях составлена под руководством заместителя министра образования и науки Республики Татарстан- руководителя департамента надзора и контроля в сфере образования министерства образования и науки Республики Татарстан Г.З.Габдрахмановой.

28 октябрь көнне 6 сыйныф җитәкчесе Закирова Ландыш Җәүдәт кызы "Интернет челтәрендә куркынычсызлык" дигән темага дәрес үткәрде.