19 нчы декабрь район үзәгендә чаңгы ярышы. Чаңгы ярышына безнең мәктәптән Зарипова Диләфрүз, Зарипов Ригель, Халимов Рафил, Кәримова Илүзәләр киттеләр. Аларга уңышлар телибез!

21 декабря 2015 года в городе Набережные Челны состоится Новогодний утренник ОАО "РИТЭК".  Участвует из нашей школы Зарипова Сюмбель ученица 6 –го класса .

8 декабрь көнне район мәдәният сараенда район Башлыгы призына биючеләр конкурсының гала концерты булды. Иске Кормаш мәдәният йортыннан "Чишмә" Халык бию ансамбленең яшьләр группасы - I урын, ялгыз башкаручылар номинациясендә Ризилә Зарипова - I урын, "Хәзинә" ветераннар коллективы Гран-прига лаек булдылар.  Бу уңышта безнең мәктәп укытучыларының һәм укучыларының да өлеше бар. Афәрин! Без сезнең белән горурланабыз!

Бу көннәрдә укучылар район мәгариф бүлегеннән килгән контроль эшләрне эшлиләр.

Инвалидлар  ункөнлеге кысаларында,  “Игелек отряды”на караган класс звенолары җирлегебездә булган инвалидларның өйләрендә булдылар, хәлләрен белделәр, шефлык иттеләр, бүләкләр тапшырдылар.

9 декабрь көнне Яңа Әлем төп гомуми белем бирү мәктәбендә “Федераль дәүләт белем бирү стандартлары нигезендә башлангыч сыйныфларны укытуда эшчәнлекле юнәлешне оештыру” темасы буенча башлангыч сыйныф укытучыларының район семинары үтте. Семинарда Ибраһимова Роза Рифкать кызы катнашты.

Бүген тәрбия эшләре буенча директор урынбасары Мәрданова Ә.Ә. мәгариф министрлыгы тарафыннан оештырылган видеоконференциядә катнашты. Видеоконференциядә сүз террорга каршы чаралар һәм белем бирү учреждениеләрендә, каникул чорында куркынычсызлыкны тәэмин итү турында барды.

Мондый бәйрәм өчен 9 декабрь очраклы гына сайланмаган. Екатерина II нәкъ менә бу көнне 1769 елда яңа бүләкне раслый. Ул Изге Георгий ордены була. Аның белән аерым батырлык күрсәткән сугышчылар бүләкләнгән. Илебездә бу көнне Георгий ордены кавалерларын хөрмәтлиләр. Россиядә бу көнне чын батырларны искә алып, алар турында хәтер яңарталар. Шул уңайдан мәктәпләрдә әлеге истәлекле датага багышланган сыйныф сәгатьләре үткәрелә.

Бүген районда физкультура буенча олимпиада үткәрелә, анда безнең мәктәптән Ибраһимова Гөлзада, Фәрдиев Тимурлар катнаша.Укытучылары - Илдус Нәҗип  улы. Аларга уңышлар юлдаш булсын!

7 нче декабрь көнне 4 нче сыйныф укучысы Юнусов Айнур "Ак кәгазь торналар" конкурсының йомгаклау тантанасында катнашты . Ул бәйгедә 1 урын яулады һәм кыйммәтле бүләкләр белән бүләкләнде. Җитәкчесе - Юнусова Г.Г.