Бүген Актаныш кадет мәктәбендә "Растим патриотов России" исемендә фәнни-гамәли конференция үтте. Анда безнең мәктәп укучылары Галиев И., Маннапов Р., Гафуров А., Гарифуллина Р., Вакилова Л. спорт төрләрендә  катнаштылар: арм-реслинг, ату ,фәнни-гамәли чыгыш һ.б.  Җитәкчеләре-ОБЖ укытучысы Газизов Г.Ф. 

5 январь көнне район күләмендә мәгариф хезмәткәрләре спартакиадасы үтте. Аркан  тарту буенча икенче урынны алдылар. Аларны җиңүләре белән котлыйбыз.

Мәктәп укучылары бик игелекле гамәл башкардылар. "Хәйрия ярминкәсеннән" кергән акчага җирлектәге инвалид балаларга: Талипов Нурзилгә, Яппарова Алиягә, Исмаилова Җәмиләгә, Юнусов Айнурга Яңа ел бүләге тапшырдылар. Бу игелекле гамәлне  укучылар белән бергә тәрбия эшләре буенча директор урынбасары Мәрданова Әдилә Әхсән кызы башлап йөрде. 

Бик тиздән Яңа ел бәйрәме килеп җитәр. Димәк, якыннарыбыз, дуслар-туганнарны, хезмәттәшләрне котлап, күңелләрен күтәрер вакыт та якынлаша. Иске Кормаш төп гомуми белем бирү мәктәбенең дирекциясен, укытучыларын,  техник хезмәткәрләрен, укучыларын һәм ата-аналарын менә бу шигырьләр, теләкләр ярдәм итәр, дип ышанабыз.

2 чирек төгәлләнергә дә санаулы көннәр калып бара. Мәктәптә "урак өсте". Шулай булуга да карамастан, укучылар ныклап Яңа Ел бәйрәмен көтәләр: класс-кабинетларны бизиләр, яңа җырлар өйрәнәләр, "Кышкы әкият" тамашасына әзерләнәләр.

Бүген, ягъни 23 декабрь көнне Иске Кормаш төп гомуми белем бирү мәктәбендә балалар көтеп алган төп вакыйга - Яңа ел бәйрәме уздырыла. Бәйрәм ике сменада булачак. Иртәнге сменада башлангыч, икенче смена өлкән сыйныф укучылары өчен. Бәйрәм кызыклы һәм мавыктыргыч уеннар, концерт номерлары, уку алдынгыларын бүләкләү белән алып барылачак. 

22 нче декабрь көнне Актаныш мәдәният сараенда фән олимпиадаларында җиңүчеләрен район башлыгы Э.Н.Фаттахов котлады.Физика  фәненнән республика олимпиадасының муниципаль этабында Иске Кормаш төп гомуми бирү  мәктәбенең 7 нчы класс укучысы Фардиев Булат призер дипломы белән бүләкләнде.   Укытучысы -  югары квалификацияле фән иясе Гильфанова  Филиза  Әкрәм кызы. Котлыйбыз!

11-21 нче декабрь көннәрендә мәктәптә укучылардан төрле фәннәрдән 1 нче яртыеллык өчен контроль эшләр алына.

16 декабрь көнне "Бүләк" чаңгы трассасында кышкы сезонны ачуга багышланган чаңгы ярышы булып узды.

 "Игелекле йөрәкләр" исемендәге волонтерлар отряды өлкәннәргә һәрдаим ярдәм итеп торалар. Декада барышында инвалид өлкәннәрнең өйләрендә булдылар, хуҗалык эшләрендә ярдәм иттеп кайттылар. "Хәйрия акциясе" ярминкәсе оештырылды. Барлык классларда теләп катнаштылар.