2 нче ноябрь көнне "Бәхетле балачак" мәктәп яны лагерына йөрүче балалар Иске Кормаш авыл китапханәсенә экскурсиягә бардылар. Китапханә мөдире Нәгыймова Гөлсәрия Әхсән кызы балалар белән "Тапкырлар һәм Зирәкләр" бәйгесе уздырды. Балалар ике командага бүленеп  үз көчләрен сынашты. Алар үзләре яраткан әкият геройларының рәсемнәрен ясадылар, төрле кызыклы сорауларга, табышмакларга җавап эзләделәр. Соңннан әкият карадылар

Мәгариф идарәсенең эш планы нигезендә укучыларны төп дәүләт имтиханнарына әзерлек максатында 1 һәм 2 нче ноябрьләрдә 9 нчы сыйныф укучылары математика һәм рус теленнән ТДИ биреп карадылар.

Мәктәбебездә көзге мәктәп яны  "Бәхетле балачак" лагеры эшли башлады. 15 укучы шушы лагерьда ял итәчәк. Атналык чаралар планы буенча эш алып барылачак.

29 октябрь көнне “Актаныш” универсал спорт залында ГТО нормативларын тапшыру буенча ярышлар уздырылды. Безнең мәктәптән Вагыйзов Аяз, Гафаров Айназ, Вагыйзова Азалия, Газизова Илзирәләр катнашып кайттылар.

Бүген 29 нчы октябрь көнне укучылар педиатр Әлфия Хәбировна һәм балигъ булмаган балалар белән эшләүче МВД вәкиле Динара Алмазовна белән очрашты

Бүген, ягъни 29 нчы октябрь көнне  мәктәптә гомуми ата-аналар җыелышы булып узды. Җыелыш бик эшлекле булды. Педиатр Әлфия Хабировна һәм МВД вәкиле Динара Алмазовна, мәктәпнең укыту-тәрбия эшләре буенча директор урынбасары Лүзия Зөфәровна, 7 нче сыйныф класс җитәкчесе Ләйсән Мирфаязовналарның чыгышлары тыңланылды. Тәрбия эшләре буенча директор урынбасары Әдилә Әхсән кызы бик кызыклы тренинг үткәрде

27 нче октябрь көнне бөтендөнья татарча диктант акциясендә катнаштык. Мәктәп укытучылары, укучылары, әти-әниләр һәм башка һөнәр ияләре дә катнашты. Бу безнең туган телебезне саклауга бердәм эшләгән бер адымыбыз.

Игътибар, 2018 елның 27 октябрендә сезне «Татарча диктант» акциясендә катнашырга чакырабыз! Бу чара Татарстанда гына түгел, ә 20 илдә һәм 60 төбәктә уза! Димәк, бөтен дөнья бер көнне татарча язачак! Бу чара Иске Кормаш мәктәбендә дә булачак. Барыгызны да үзебезнең мәктәпнең физика кабинетында көтеп калабыз.

Бу белемне тикшерү өчен генә түгел, үзеңнең милләтпәрвәрлыгыңны дәлилләү өчен мөмкинлек!

Акциянең төп максаты: татар телендә хатасыз язарга өйрәнү, әдәби телне кулланучылар даирәсен арттыру, орфографик һәм грамматик хаталарны тикшерү. Шулай итеп татарлар гына түгел, бар теләгән кеше үзенең татар телен белү дәрәҗәсен тикшереп, «билге» ала ала!

Чараның башалану вакыты 12.00.

"Шимбә мәктәбе" проекты дәвам итә. 20 нче октябрьдә 3 нче очрашу уздырылды. 7-8 укучылары белән Айдар Шәйхин проектлар төзү турында сөйләште. Укучыларны "Гыйлем" берләшмәсе үткәргән "Проектлар" конкурсында катнашырга чакырды.

Татарча көрәш буенча 6 нчы октябрь көнне Актанышта танылган көрәшче Марсил Гилаев истәлегенә оештырылган ярышта 9нчы сыйныф укучысы Шарафуллин Таһир, үз авырлык үлчәвендә уңышлы чыгыш ясап, мактаулы 3 нче урынга лаек булды. Тренер: Сираев Раил Хәләф улы.