Хөрмәтле ир-егет укытучыларыбыз һәм хезмәткәрләребез, укучы егетләребез! Сезнең барыгызны да ихлас күңелдән бәйрәмегез белән котлыйбыз! Кадерле укучы егетләребез, илнең  тугры сакчылары һәм ныклы терәге булып үсегез! Саулык- сәламәтлек, зур уңышлар юлдаш булсын һәммәгезгә!

Бүген Ватанны саклаучылар көненә карата "Универсиада- ул спорт"  кичәсе уздырылды.

Бүген мәктәбебездә гашыйклар көне! Алдан әзерләп куелган "Гашыйклар тартмасына" хатлар язып салып, аларны укып көнне бик күңелле уздырдык! Һәммәгезне дә гашыйклар көне белән

Бүген Чишмә һәм Меңнәр авыл җирлекләре хезмәткәрләре "Россия чаңгы юллары" ярышы кысаларында  массакүләм чаңгы шууда катнаштылар.

Башлангыч класс укучылары "Рус телен ярат, бел һәм хөрмәтлә!" дигән тема буенча мәктәп күләмендә ачык чара күрсәттеләр. Алар бу кичәдә рус теленең бөеклеге һәм әһәмиятенә басым ясап, икенче телебезне белү буенча күптөрле ярышлар уздырдылар. Кичә күңелле һәм мавыктыргыч булды.

Бүген мәктәбебездә Тарихи- мәдәни мирас елы уңаеннан рус теле һәм әдәбияты атналыгы  кысаларында "Туган ягым- моңлы Меңнәрем!" дигән темага кичә уздырылды. Кичәдә авылыбызның үткәне һәм бүгенгесенә күзәтү уздырылды. Ул рус һәм татар телләрендә алып барылды.

Бу атнада рус теле һәм әдәбияты атналыгы башланды. Ул 8-9 класс укучылары арасында оештырылган "Йолдызлы сәгать" ярышы белән башланнып китте. Ярышның җиңүчесе булып 8 класс укучысы Мәҗитова Инзилә калды. Фотода: Мәҗитова Инзилә

Математика укытучысы Хамзина Зөһрә Фәдит кызы 5-9 класс укучылары командалары арасында "Йолдызлы сәгать" уен- ярышы уздырды. Фотода- җиңүче команда: Хамзина Фирүзә (9 класс), Идрисова Гөлчәчәк (8 класс), Галләмов Ленар (7 класс).

Бүген "Йолдызлык-2012" конкурсының мәктәп турында җиңү яулаган укучыларыбыз Байсар мәктәбе кусты конкурсына киттеләр.

Фотода җиңүчеләребез( сулдан уңга): Әлфия, Илмир, Ләйсән, Айсылу.

Мәктәптә "Йолдызлык-2012" конкурсының беренче туры уздырылды. Җиңүче укучылар куст ярышында катнашу хокукына ия булдылар.