29 декабрьдә мәктәптә Яңа ел бәйрәме үткәрелде. Бәйрәм тамашасы уеннар, конкурслар һәм маскалар чыгышы белән үрелеп барды, алдынгы укучылар бүләкләнде.

Әкрен генә йомшак карлар ява,

Күңелләргә сафлык, моң салып,

Яңа елда саулык, бәхет килсен,

Кышкы бураннарга уралып.

Күңелләрдә шатлык ташып торсын,

Сагышларга урын калмасын,

Алда туар көннәр якты булсын,

Ходай кайгылардан сакласын!

Яңа ел белән сезне!

9 класс укучысы Мәҗитова Инзилә "Йолдызлык-2013" конкурсының район турында "Нәфис сүз" номинациясендә III дәрәҗә лауреат исеменә лаек булып, Диплом белән бүләкләнде. Афәрин, Инзилә!

13 декабрь көнне тарих, география, математика, рус теле, биология фәннәреннән 13 укучы Сәләтле яшьләрне үстерү үзәге тарафыннан уздырылган  III нче Бөтенроссия дистанцион предмет олимпиадаларында катнашты.

9 класс укучылары рус теле һәм математика фәннәреннән сынау рәвешендә уздырылган Дәүләт йомгаклау аттестациясе контроль биремнәрен үтәделәр.

8 класс укучысы Мәҗитова Инзилә "Йолдызлык-2013" конкурсының район турына узды һәм гала концертта чыгыш ясаячак. Зур уңышлар телибез Инзиләгә!

1 яртыеллык ахырына да якынлаша. Классларда график нигезендә административ язма эшләр үткәрелә.

5-9 класс укучылары командалары катнашында математикадан "Русское лото" уены уздырылды. Һәр команда да үзенең исәпләү һәм фикерләү осталыкларын күрсәттеләр. Иң бәхетле билетны 7 класс укучысы Борһанов Илдар алган булып чыкты. Илдар киләчәктә математиканың якын дустына әверелер дигән өметтә калабыз...

9 класс укучылары, ГИА га әзерлек максатыннан, интернет аша олимпиада биреме үтиләр.

28 ноябрь көнне мәктәптә әниләр көненә багышланган кичә уздырылды.