КОТЛЫЙБЫЗ!
Бадминтон буенча «ПРОБА ПЕРА» республика ярышында “Актаныш” район җыелма командасы составында катнашып, гимназиябезнең бадминтончылары 2 урын яулады!
Ярышта матур уен күрсәткән һәм җиңү яулаган 6В сыйныф укучысы Шәрипов Раязны, 7А сыйныф укучысы Шәрипова Айзиләне, 7В сыйныф укучысы Насырова Алсуны, 7Г сыйныф укучысы Хамматуллина Гүзәлне котлыйбыз! Алдагы ярышларда да күркәм җиңүләр телибез.

"ХАНЛЫКЛАР" ПРОЕКТЫ гимназиябездә, тарихи эзләнү буларак, тәүге адымын ясады. Гимназиябез директоры Венера Хәмәтнәсыйх кызы Хәева-Хәмәтҗанова, урынбасарлар, сыйныф җитәкчеләре, укучылар һәм ханлыклар ярышын алып баручы - Татар китабы йорты директоры Айдар Рәсим улы Шәйхин дә әлеге дәрәҗәле кичәгә милли киемнәрдән килгәннәр иде.

Казандагы «Адымнар – белемгә һәм бердәмлеккә юл» күптелле мәгариф комплексында узган «Күптелле белем бирү шартларында туган телне, татар һәм инглиз телләрендә фәннәрне укытуда мөгаллимнәрнең һөнәри компетенцияләрен камилләштерү» республикакүләм семинар-практикумында гимназиябезнең башлангыч сыйныф укытучылары Сөмәя Тәлгать кызы Муллаярова, Светлана Риф кызы Шәйхуллина катнашты.

Бүген районыбызның ЗАГС бүлегендә гимназиябез укучылары белән «Гаилә мәктәбе» узды. "Гаилә мәктәбе" дәресе якынлашып килүче Әниләр көненә багышлап үткәрелде.

Гимназиябезнең математика, физика, рус теле һәм әдәбияты укытучылары укучыларны бердәм дәүләт имтиханнарына әзерләү, имтиханнарны биреп карауда җибәрелгән типик хаталар һәм аларны төзәтү алымнары буенча киңәшләште.
БДИны оештыру һәм үткәрү процедурасы буенча бик эчтәлекле һәм җентекле сөйләшү булды. Югары уку йортларына кабул итү үзенчәлекләре турында да фикерләште алар. Математика һәм рус теле буенча сынау имтиханнарына да нәтиҗәләр ясалды.

22 ноябрь - сүзлекләр һәм энциклопедияләр көне. Шул уңайдан, китапханәбездә китап күргәзмәсе эшли.
Рәхим итегез!

20 ноябрь көнне, гимназиябездә “Разговоры о важном-Мөһим темага сөйләшү”сыйныф дәресләре гаилә темасына багышланды, "Гаиләдәге мөнәсәбәтләр турында" дип аталды.

ПСИХОЛОГИЯ АТНАЛЫГЫ: Гимназиябездә бүген “Игелек һәм үзара аңлашу көне”. “Гимназиягә син нинди кәеф белән киләсең?” акциясе кысаларында, педагог-психолог Зөлфия Мазгаровна Хафизова 3Б сыйныф укучылары белән әңгәмә үткәрде. Укучылар, иң элек, үзләренең кәефләренә бәяләмә бирделәр. Аннан, кәефләре тасвирланган кәгазь кисәкләрен Кәеф агачына элделәр. Психологик киеренкелектән котылу – ял бүлмәсендә бергәләп төрле уеннар уйнадылар.
Бөтенроссия психология атналыгы кысаларында, гимназиябездә ачык тренинг дәресләре, акцияләр, сыйныф сәгатьләре һәм конкурслар узачак.

Гимназиябезнең 10 сыйныф укучысы Самат Солтанов экология буенча бөтенроссия фән олимпиадасының район этабы җиңүчесе!
Укытучысы – Зөлфия Әсгать кызы Исламова.
Котлыйбыз!