Сегодня на базе МБДОУ "Детский сад №2  с.Актаныш" состоялся муниципальный этапа республиканского конкурса "Воспитатель года -2019". Всего в конкурсе приняли участие 15  педагогов района. Воспитатель нашего ДОУ, победитель детсадовского этапа конкурса,  Асылова Дильбар Мударисовна показала ООД с воспитанниками старшей группы на тему"Обитатели подводного мира", презентовала коллегам опыт  работы на тему "Экологическое воспитание дошкольников через знакомство с природой родного края".  

По итогам конкурса Дильбар Мударисовна заняла почетное 3 место. Поздравляем педагога с победой и желаем дальнейших профессиональных успехов!

      Кышкы каникул көннәре кайсыларыбыз өчен ял гына булса, үзен үстерү юнәлешендә эшләгәннәр өчен кызу эш өсте булды, дисәк, бер дә ялгышмабыз.

3 гыйнвар көнне Актаныш муниципаль районында спорт һәм сәламәтлек декадасына багышлап, Иҗат үзәгендә Кыш бабай призына  үткән шахмат турнирында безнең   зурлар төркеменнән Имамова Румия һәм Минязов Ислам катнашып, Кыш бабайның акчалата бүләгенә ия булдылар.

Моннан тыш әле алар “Кубок первоклассника” традицион шахмат турнирында да катнашып, үз осталыкларын күрсәттеләр. Румия әлеге турнирда  мактаулы 2 урын яуласа, Ислам  яхшы катнашучы буларак  грамота алды.

Румиянең җиңүе бу гына түгел әле. Декабрь аенда  ул“тиз шахмат” буенча яңа елга әзерлек  турнирында да уңышлы чыгыш ясап, грамота белән бүләкләнгән иде. Ә каникул көннәрендә узган “тиз шахмат” буенча район чемпионатында үз яше буенча  мактаулы 1 урынны яулады. Уңышлар сиңа , Румия, яңа елларда!

Бакчабыз коллективы оешмалар  арасында уздырылган "Әкияти ярминкә" бәйгесендә катнашып, мактаулы 3 урын яулады

Кышның суыклары канатлы дусларыбыз өчен аяныч хәл икәнлеген безнең бакча балалары кечкенәдән белеп үсә. Коры суыклар булмаса да, җир өсте туңып, кар белән каплангач, кошлар азыкка мохтаҗлык кичерә башлый. Зурлар төркеме нәниләре һәр көн саен кошларны ипи кисәкләре, вак ярмалар белән сыйлый.

 Кышкы паркка килдек,         

Матур урыннар күрдек.          

Тун кигән каен – уңда,            

Ямь-яшел чыршы – сулда.       

Кар бөртекләре оча,              

Әйләнеп җирне коча.              

Шундый рәхәт саф һава,

Тәңкә-тәңкә кар ява

Кар дип тормадылар, зурлар төркеме балалары уен мәйданчыклары буйлап җыйган кардан үзләренә лабиринт ясап куйдылар. Бу аларның гади генә уенга корылган хәзмәт нәтиҗәсе ...

     Беренче кечкенәләр төркемендә балаларга кышкы табигать турында белем бирү,  кар бөртеге турында кузаллауларын  фомалаштыру максатында   эксперименталь   эшчәнлек үтте.  Балалар карны тотып карап, үзлекләрен ачыкладылар.  Үзләрен кызыксындырган сорауларга  җаваплар таптылар.

 Бу эшчәнлек барышында  балалар карны ашарга ярамаганлыгына да төшенделәр. Соңыннан “Кар бөртеге”  уенын уйнадылар.

Яңа елга да күп калмады. Беренче кечкенәләр төркеме балалары  да Кыш бабайны, Кар кызын зарыгып көтәләр. Көндә алар турында  әңгәмәләр корып, сюжетлы рәсемнәр, мультфильмнар  карап, алар турында тәрбияче апалары, әти-әниләре сөйләгәннәре аша  танышалар. Бүген исә, Кыш бабай  “җибәргән”  бүләкне- Чыршыкайны, аның матур уенчыкларын күреп шатландылар. Гирлянда белән таныштылар. Балаларның шатлыклары  чиксез булды. Чыршының энәләрен, уенчыкларны  тотып карадылар. Аның янында түгәрәктә  “Чыршыкай”  җырын җырлап әйләнделәр. Шатлыклары әйтеп бетергесез булды. 

Беренче кечкенәләр группасында  күңел  ачу чарасы үтте .  Н. Гаделнең, С. Азалиянең  туган көннәрен билгеләп  үтү максатыннан,  группа тәрбиячеләре  алдан ук әзерлек эшләрен алып бардылар. Ай дәвамында туган көнгә багышланган   җырлы уенннар, туган көнгә котлау сүзләрен,  күмәк биюләр хәрәкәтләрен,  кызыклы уеннарны  балаларга өйрәттеләр. Шуңа күрә дә күңел ачу чарасы бик күңелле үтте. Балалар рәхәтләнеп күңел ачтылар.Бу чарадан бик канәгать  булып калдылар.