"Китап-киңәшчең синең" исемле китап турында шигырьләр , күренекле кешеләрнең фикерләрен туплау ярышына йомгак ясалды. Әлеге бәйгедә Акбулатова Диана беренчелекне бирмәде. Хөсниярова Зөлфия һәм Гайсин Руслан призлы урыннарга лаек булдылар.

Мәктәптә "Фольклор бәйрәме" уздырылды. Укучылар халык авыз иҗатын туплаган китаплар турында сөйләделәр, анда язылган әсәрләрнең берничәсен укыдылар, өзекләр күрсәттеләр,  халык җырларын тыңладылар һәм фикер алыштылар.

Бүген мәктәптә авыл китапханәсе китапханәчесе Ә.Х.Кашапова белән очрашу уздырылды. Ул укучыларга китапханәгә яңа кайткан китаплар белән таныштырды, иң актив китап укучыларны әйтеп китте һәм барлык укучыларны да китапханәгә чакырды.

Мәктәбебез китапханәсендәге әдәби китапларны төпләү эше тулы көченә бара. Бу эштә бигрәк тә Камалетдинов Самат, Кашапова Наилә,Валиева Энҗе, Манихова Адилә, Басыйров Раил һәм Фидан, Имамов Сирин, Исламов Рәдис, Гайсин Руслан,Акбулатова Диана. Насертдинова Диана Хөсниярова Зөлфияләр өлгерлек күрсәтәләр.

"Юлларда имин йөрик" дигән исем астында бердәм класс сәгате булып, укучылар викторина сорауларына җавап эзләделәр, үз белемнәрен бәяләделәр.

1-4 нче сыйныф укучылары "Китаплар патшалыгы- Белем иле"нә сәяхәткә чыктылар. Алар "Китаплар", "Төсләр", "Китаплар хастаханәсе" тукталышларында булып, "Элек нәрсәгә һәм нәрсә белән яззганнар" кебек сорауларга җавап эзләделәр. Ш.Маннурның "Алай итмә" шигыренең эчтәлеге буенча үз фикерләрен әйттеләр.

Китапханә айлыгы кысаларында мәктәбебездә Ф.Яхинның "Ак әбиләр догасы" хикәясе буенча китап укучылар конференциясе узды. Укучылар бик теләп үз фикерләре белән уртаклаштылар. Кичә дога тыңлау белән тәмамлынды.