21 нче декабрь көнне “Табигать сакчылары”  балалар оешмасы волонтёрлары истәлегенә 28 кедр агачы орлыгы утырттылар. Бу эш “Тормыш аллеясы” проекты буенча алып барыла.  

Казан шәһәрендә үткәрелгән бер атналык семьеведение курсларында рус теле һәм әдәбияты укытучысы Р.С.Галимҗанова укып кайтты..

17 нче декабрь көнне татар әдәбиятыннан район олимпиадасы уздырылды. Безнең мәктәптән олимпиадада  7 нче класс укучысы Булатов Шәфкать катнашты һәм мактаулы 3 нче урынга лаек булды. Шәфкатьне һәм аны әзерләгән татар теле һәм әдәбияты укытучысы Исрафилова Әлфия Рафаел кызын әлеге зур җиңүләре белән котлыйбыз һәм киләчәктә дә зур уңышлар телибез.

Мәгариф министрлыгыннан килгән язма эшләр башланда. Укучыларга уңышлар телибез

Китапханәчебез гуманитар гимназиядә уздырылган китапханәчеләр семинарында булып, күренекле шагыйрә Шәмсия Җиһангирова белән очрашуда катнашты. Библиографик дәрескә карата үз фикерләре белән уртаклашты.

5-6 нчы класс укучылары һәм ата-аналары белән бергә "Гаиләм-горурлыгым" дигән темага кичә уздырылды..Кызыклы сорауларга җавап бирү, җыр-биюләр белән бергә үрелеп барган бәйрәм һәркемгә дә ошады.

"Туган телем - шагыйрьләр теле" республика фәнни - эзләнү конференциясендә Мөхәммәт Мирза иҗатына багышланган иҗади эш белән 6 сыйныф укучысы Сирин Имамов катнашты. Шагыйрь Мөхәммәт Мирза укучыларга үзенең китапларын һәм "Казан утлары" журналларын бүләк итте. 

5-6 нчы класс укучыларының ата-аналары белән уку (всеобуч) уздырылды. Ата-аналар канәгать калдылар.

5-6 нчы класс укучылары "инфоурок" халыкара дистанцион олимпиадасының финалында катнашып уңышлы чыгыш ясадылар.