1 нче декабрьдан 31 нче декабрьга кадәр уздырылган “Кошларны кышын ашат” акциясендә безнең мәктәп укучылары да теләп катнаштылар. Канатлы дусларыбызны яратучы балалар һәм әти-әниләр “ Иң яхшы җимлек “бәйгесендә активлык күрсәттеләр. Конкурс нәтиҗәләре буенча жюри әгъзалары тарафыннан 3 нче сыйныф укучысы  Тугаров Артем җиңүче итеп танылды. 1 нче сыйныф укучылары- Раимова Самира, Алетдинова Аделина, 2 нче сыйныф укучылары – Шайхлисламов Салават,Ситдиков Альмир ясаган җимлекләре өчен грамотага лаек булдылар.  

Салкын кышларда канатлы дусларыбыз турында бергәләп кайгыртыйк!

25 нче гыйнвар көнне “Шаршады башлангыч мәктәп – балалар бакчасы “ның укытучылары район спартакиадасында катнашты. Кышкы спартакиада программасында  спорт уеннарының күп төрләре  бар: турникта күтәрелү, отжимание,шорт-трек,аркан тарту,теннис,чаңгыда узышу. Укытучылар өчен оештырылган  кышкы спартакиаданың максаты: сәламәт яшәү рәвешен пропагандалау белән бергә  мәктәп укытучыларының кышкы спорт төрләрендә осталыкларын үстерү  һәм  укытучылар арасында спортның бу төрләре буенча осталарны барлау.Аркан тартуда 2 нче урынны яулаган башлангыч сыйныф укытучысы Раимова Насима Тагирзяновнаны чын күңелдән котлыйбыз.  Кышкы спартакиадада катнашучылар  барысы да һәрчак яхшы кәефтә һәм сәламәт булсын!

Бүген Шаршады  балалар бакчасында балалар  өчен Яңа ел бәйрәме үтте. Кечкенә сабыйларны матур итеп бизәлгән зал һәм чыршыкай каршы алды. Бәйрәмгә Кыш Бабай, Кар кызы, урман җәнлекләре кунак булып килделәр. Балалар Кыш Бабайга багышланган җырларны түгәрәктә әйләнеп җырладылар. Бәйрәмнән соң ул балаларга үзенең буләкләрен өләште. Бәйрәм бик күңелле үтте. 

Шулай ук,төрле бәйрәмнәр алдыннан балалар бакчаларында үткәрелә торган кул эшләнмәләре күргәзмәсе анда тәрбияләнүчеләргә үзләренең сәләтләрен күрсәтү өчен зур мөмкинлекләр бирә. Мондый чараларның Яңа ел бәйрәменә багышланганнары да була. Яңа ел алдыннан әти-әниләр белән балалар  чыршы  бәйрәмен бизәү өчен иң яхшы кул эшләнмәләре конкурсында бик актив катнаштылар. Алар үзләренең фантазияләрен, иҗади сәләтләрен күрсәттеләр.

Декабрь бураннары алып килгән Яңа ел белән котлыйбыз! Бәйрәмегез мөбарәк, ризык тулы өстәлегез түгәрәк, күңелле, куанычлы булсын. Эшләрегез уң булсын, күңелегездәге мәрхәмәтлелек нуры йөзегезне тагын бизәсен. Бусагаларыгыздан караңгылык, салкынлык, хәвеф-хәтәр атлап кермәсен, бәла-каза йөрмәсен. Бәхетле мизгелләр, матур вакыйгалар, яхшы хәбәрләр, саулык-сәламәтлек алып килсен Яңа ел. Гаилә бәхетегез учагы гел балкып торсын.

Яңа Ел алдыннан мәктәп ишегалдына кардан сыннар ясау матур гадәткә әверелде. Бу эштә башлангыч сыйныф укытучылары үзләренең  укучылар белән бик теләп катнашалар. Киләсе 2017 ел  - Әтәч елы  булганга күрә, алар   әтәч сыны ясарга булдылар.  

Әтәч елы һәркемгә шатлык-куанычлар, зур бәхетләр алып килсен. Яңа ел алдагы елның казанышларын тагы да үстерсен, йолдызлары яктырак янсын, безнең тормышыбыз йолдыз кебек мәнге балкысын!!!

Шаршады башлангыч мәктәбенең  укучы балалары  әти-әниләре,бабайлар  белән берлектә мәш килеп кошларга җимлек ясадылар. Нинди генә төрдәге җимлекләр юк иде алар арасында! Әтиләрнең осталыгына,фантазиясенә шаккатырлык иде.Кайбер укучылар үзләренең  күптәнге җимлекләрен дә алып килделәр.Аларның  инде берничә ел кошларга ярдәмгә килүләре барыбызга да шатлык китерде.Дәүләт табигать тыюлыгы  инспекторлары балаларның эшләренә югары бәя бирделәр һәм берничәсен сайлап бәйгегә алдылар.Без  балаларның бу игелекле гамәлләрен хуплыйбыз.

Без Сезгә ашханә ачтык! Рәхим итегез,кошкайлар!

Бүген беренче яртыеллыкка нәтиҗә ясалды.Укучыларыбызның уңышларын күреп без бик тә сөенәбез.

Тиздән кышкы каникул. Аның мәктәп укучылары өчен куркынычсыз үтүе без – олылардан тора.

Ял вакытында яшүсмерләр юл хәрәкәте кагыйдәләрен үтәү турында онытып җибәрә, уяулыкларын югалта. Моннан тыш, якынлашып килүче бәйрәмнәр, каникул  аларның игътибарын киметә. Бу вакытта балалар катнашындагы юл-транспорт һәлакәтләре бермә-бер арта.

Бу уңайдан машина йөртүчеләргә торак пунктларда, бигрәк тә мәгариф учреждениеләре территориясендә тиешле тизлек режимыннан читкә  тайпылмаска, аеруча игътибарлы булырга киңәш ителә.

Автомобиль салонында бала булган очракта аны махсус креслога утырту һәм куркынычсызлык каешлары белән эләктерү мөһим. Ата-аналарга үз балаларына юл йөрү кагыйдәләре турында кат-кат искәртеп торырга, урамда һәм юлда үз-үзләрен тотышы турында һәрдаим әйтеп торырга кирәк. 

Хөрмәтле өлкәннәр! Балаларыбызның тормышын куркынычсыз итү өчен кулдан килгәннең барысын да бергәләп эшлик.

Диагностическое тестирование по иностранному языку .