Мәктәптә 26 нчы марттан 1 нче апрельга кадәр язгы каникуллар бара. Мәктәпләрдә куркынычсызлык дәресләре үткәрелде. Балаларга янгын куркынычсызлыгы, язгы боз, сулыкларда хәтәрлек турында сөйләнелде. Хөрмәтле әти-әниләр, каникул вакытында балаларыгызга күз-колак була күрегез.Өегездә дә янгын чыгу куркынычы була күрмәсен. Йортыгыз, үзегезнең исән-имин булуыгызны кайгыртып, янгын белгертүче җиһазлар алып, аны стенага яки түшәмгә беркетегез, янгын сүндерү җайланмаларын алып куегыз. Электр чыбыкларына куәтле электр приборлары белән көч китермәгез. Балагызга куркынычсызлык чараларын аңлатыгыз. Хәвеф-хәтәр килеп чыккан очракта нишләргә кирәге турында сөйләгез. Балаларыгызга үзегез яхшы яктан үрнәк булыгыз.  Өегездә хәвеф-хәтәр килеп чыккан очракта шалтырату өчен телефон номерларын күренә торган җиргә элеп куегыз. Һәм балагызга ничек шалтыратырга кирәген аңлатыгыз. Шырпы, ут белән уйнарга ярамаганын кисәтегез. Балаларны ялгыз өйдә калдырмагыз.

Истә тотыгыз, янгын хаталарны кичерми. Хәвеф-хәтәр килеп чыкса, 01, 112 телефоннары буенча шалтыратыгыз. Үзегезне һәм якыннарыгызны саклагыз!

Һәркем өчен дөньядагы барлык телләр арасында иң кадерлесе – тәүге кабат сөйләшә башлаган ана теле. Бу – безнең балачагыбыз, гаиләбез, җәмгыятьтәге беренче тапкыр аралашуыбыз теле. Халыкара туган тел көнендә барлык телләр дә тигез дип таныла, чөнки аларның һәркайсы кеше язмышы өчен җавап бирә, һәркайсы табигый мирас булып тора һәм без аны, һичшиксез, сакларга тиешбез.

Бүген бездә зур бәйрәм. 1нче сыйныф укучылары Әлифба белән саубуллашалар. Балаларның барысы да укырга, язарга, матур итеп сөйләргә, әдәпле булырга, өлкәннәрне һәм кечкенәләрне ихтирам итәргә, коллектив белән дус яшәргә, ярдәмчел булырга өйрәнделәр.

Кадерле әниләр! Әлифба бәйрәме – сезнең өчен дә зур тантана ул. Балаларыгызның ирешкән уңышларында сезнең дә өлешегез бик зур. Бәйрәмебез котлы булсын!

15 февраль-Герой шагыйрь Муса Җәлилнең туган көне.  Ул - татар халкының сөекле улы, шигырьләре белән фашизмга каршы аяусыз көрәш алып барган бөек шагыйрь. 

14 нче февраль - Гашыйклар көне. Бу бәйрәмне билгеләп үтү – күркәм бер традициягә әйләнеп бара. Безнең мәктәбебез дә читтә калмады.Укучылар китапханәче Айсинә апалары өештырган бәйрәмне көтеп алалар, бер-берсенә матур теләкләр теләп “валентинкалар” ясыйлар.  

З6 нчы тапкыр үткәрелүче Бөтенроссия чаңгы ярышлары кысаларында, Татарстанның берничә районында «Россиянең чаңгы юллары-2018» ярышлары узды.

1982 елдан бирле үткәрелә торган Бөтенроссия чаңгы ярышлары илнең спорт тормышында әһәмиятле вакыйгалардан санала.

Әлеге чара һәр елны мөмкин кадәр күбрәк кешене сәламәт яшәү рәвеше алып баруга тарту максатыннан оештырыла.

Спортның чаңгы төре безнең районыбызда да киң таралган. Бу көнне "Россия чаңгы юллары -2018" массакүләм чара уңаеннан мәктәбебез укытучылары һәм укучылары , ата-аналар һәм чаңгы төрен яратучы барлык авылдашлар әлеге чарада актив катнаштылар.Барлык катнашучыларга да сәламәтлек һәм зур уңышлар телибез.