Кардан фигура ясауның бер авырлыгы да юк, иң мөһиме, көчле салкын һәм җил генә булмасын. Ә калганнары шатлык кына.

Әйбәт әйбер турында сөйләшүе җиңел дә, рәхәт тә. Әмма тормышта явызлык белән яхшылык янәшә бара.

1 декабрь – СПИД ка каршы көрәш көне. Без дә сыйныфларда СПИД, ВИЧ турында сөйләшәбез, искә төшерәбез, белемнәрне яңартабыз.

Әни... Әби... Дәү әни...
Бу сүзләрне күпме генә кабатласаң да, әйтеп туеп булмый. Безгә тормыш бүләк иткән газиз әниләребезнең җылы карашын, нурлы йөзләрен күрү, ягымлы сүзләрен ишетү, бернинди бизмәннәр белән дә үлчәп булмый торган кайгыртучанлыгын тою дөнья йөзендә иң зур бәхет ул.
Бу сүзләрдә күпме тирән мәгънә, яшәү көче,җылы хисләр агышы, күңелнең иң нечкә кылларын тирбәтүче самими нур агышы чагыла. Әйе, дөньяда иң гүзәл затларыбыз - хатын - кызлар булганда гына яңа тормыш ярала, кешелеккә җан өрүче хатын-кызларыбыз булганда гына кешелек дөньясы югалмаячак, һаман алга барачак.

Бу гүзәл бәйрәм уңаеннан без «Шаршады башлангыч мәктәп – балалар бакчасында” да бәйрәм уздырдык. Гомумән, без һәр бәйрәмне үзенчәлекле, кабатланмас, югары дәрәҗәдә уздырырга тырышабыз һәм моңа ирешәбез дә. Бизәлгән зал, матур костюмнар, җырлы-биюле тамаша әни-әбиләребезнең күңеленә бик хуш килде. Балаларның җыр-биюләре, якты елмаюлары һәрберебезне үз балачагына алып кайтты, әниләрнең йомшак күңелләре ярларына сыймаган ташкындай тышка бәреп чыкты - һәр әни-әбинең күзендә шатлыклы яшь тамчылары иде. Балаларның нәни куллары ясаган бүләкне алу, иң бәхетле, дулкынландыргыч мизгелләр булды. Бәйрәм тәмам. Күңелләрдә тирбәлүче моң агышы һаман колакта яңгырый сыман...

Әниемнең кочагы
Изгелекләр учагы.
Балам диеп назлап-сөеп
Ярат-ярат син тагын.

Октябрь дәвамында  республиканың барлык мәктәпләрендә куркынычсыз Интернет айлыгы узды. Безнең башлангыч сыйныфларда да куркынычсыз интернет дәресләре үткәрелде. Бүгенге ата-аналар җыелышында да күп кенә мөһим проблемалар белән беррәттән балаларның Интернет челтәрендәге мәгълүмати куркынычсызлык мәсьәләсе дә күтәрергә булдык. Моннан тыш "Бердәм дәүләт хезмәтләре"(Госуслуги) турында мәгълүмат бирелде. Ата-аналар комитеты сайланылды.

27 нче октябрь көнне  мəктəптә Парламент дəресе узды. Быелгы дəрес  «Татарстан Республикасы Конституциясе: егерме биш еллык тарих» дип аталган темага багышланды. Парламент дəресе – Татарстан Дəүлəт Советы белəн республиканың Мəгариф һəм фəн министрлыгы, Мəгарифне үстерү институтының уртак проекты - 2009 елдан алып уңышлы рəвештə гамəлгə ашырыла. Əлеге дəрестə укучыларга аңлаешлы телдə республика хакимиятенең закон чыгару (вəкиллекле) органының роле һəм бурычлары, кеше хокукы, иҗтимагый-сəяси тормышта катнашу ысуллары, Төп законның кеше тормышындагы роле хакында сөйлəнде. Парламент дəресе укучыларда сəяси-хокукый культура һəм актив граждан позициясе тəрбиялəүгə ярдəм итə. 

Узган атнаның җомгасында мәктәп укучылары урман инспекторлары ярдәме белән мәктәп яны территориясендә чыршы һәм нарат үсентеләре  утыртылар. 2015 елда мәктәп ачылганнан бирле, укучылар һәм мәктәп хезмәткәрләре көче белән әлеге территориягә миләш, юкә, чыршы, нарат һәм каен усентеләре җиргә керде. Әлеге изге гамәл урманга сак караш булдыру, бу проблемага җәмәгатьчелекне тарту, агачлык мәйданнарын киңәйтү максатларын уздырыла.

Рәхмәт сезгә укытучыбыз,

Безнең яшь буынның

Йөрәгенә салдыгыз батырлык,

Күңеленә нур, теләгенә канат

Акылына бирдегез матурлык.

Бүген Шаршады башлангыч мәктәп – балалар бакчасында Укытучылар көнен уздырдылар. 

Мәктәп укучылары укытучыларга бүләк ясады: авыл китапханәсе мөдире Айсинә Мауликаева һәм ата – аналар комитеты председателе Лилия Тугарова көче белән әзерләнгән концерт күрсәттеләр. Укучылар укытучыларны бәйрәм белән тәбрик итеп, җылы теләкләрен җиткерде. Шунысы игътибарга лаек, төрле бию-уеннарда укытучылар да катнашмыйча калмады. Соңыннан чәй табыны янында рәхәтләнеп сөйләшеп, хатирәләр белән бүлештек. Мәктәп директоры Айсылу Ахметшина матур итеп котлау сүзләре әйтте. Чын бәйрәм булды бу.

Укытучылар ныклы белем бирә, мәгърифәт нуры тарата. Аларга зур түземлек, нык исәнлек теләп калабыз.  

1990 нчы елның 14 декабрендә 1 нче октябрь “Өлкәннәр көне” итеп игълан ителә. Иң беренче бу бәйрәмне Европада, аннан Америкада, ә инде 80 нче елның ахырында бөтен дөньяда бәйрәм итә башлыйлар. Шушы уңайдан без дә сез кадерлеләребезне кунакка дәштек

Сөмбелә – башак дигән сүз. Өлгергән башак, уңыш, байлык, көзге муллык дигән сүз. Менә шушы көзге байлыкта, муллыкта бәйрәм ителә торган бәйрәм ул – Сөмбелә. Көзге көн белән белән төн тигезләшкән көннәрдә үткәрелә ул бәйрәм. Шулай ук, җитен чәчле, зәңгәр күзле, зифа буйлы, сүзгә тапкыр, эшкә уңган кызны Сөмбелә дип атаганнар.

Балаларда халкыбызның яшәешен аңлау өчен күзаллау барлыкка китерү һәм кешеләр белән бергә күңел ачарга, шатланырга өйрәтү йөзеннән Сөмбелә бәйрәмен уздырдык.

“Көзге мәрхәмәтлелек атнасы“ уңаеннан, Шаршады башлангыч мәктәп - балалар бакчасы укучылары  “Мәрхәмәтле Татарстан” эстафетасына кушылып, авылдашларыбызны изге эшләргә өндәү йөзеннән урамга аңлату акциясе  белән чыктылар.