Бүген мәктәп укучылары өчен "Махсус билгеләнештәге бүлекчәләр көне" темасына "Мөһим әйберләр турында сөйләшүләр" дәресләр циклының чираттагы дәресе узды. Мәктәп укучылары спецназ бүлекчәләренең бурычлары һәм эшчәнлек шартлары, сугышчыларга катлаулы биремнәрне үтәү өчен кирәкле сыйфатлар белән җентекләбрәк таныштылар.

Атна буе гимназиядә башлангыч сыйныфта укучы кызлар арасында “Кызлар  күрке – чәч” дип исемләнгән бәйге узды, ә бүген жюри әгъзалары аңа йомгак ясадылар. Укучы кызлар биш көн дәвамында көн саен яңа прическалар белән килделәр. Прическаларның төрле төрләре һәм үрү техникасы беркемне дә гаҗәпләндерми кала алмады. Жюри әгъзалары барлык катнашучылар да югары бәягә лаек дигән фикергә килделәр. Линейкада башлангыч сыйныфлар укытучысы Ф.Ф. Галиева конкурста катнашкан гимназия укучыларына кечкенә бүләкләр тапшырды. Гимназия укучыларының әти-әниләренә конкурста актив катнашулары, тырышлыклары һәм чиксез фантазияләре өчен зур рәхмәтебезне белдерәбез.

Бүген гимназиядә Курск сугышының 80 еллыгына багышланган ветераннарның укучылар белән очрашуы узды. Очрашуга «Точмаш» заводы ветераннары Индорейкин П.Н., Жаринов В.Ф., Даутов Р.М. һәм Казан шәһәре Вахитов районы Ветераннар советы вәкиле Волкова Т. А. килде. Сыйныфларда очрашуны ветераннар Курск сугышы тарихы, ул вакыттагы авыр тормыш һәм үз заводлары турында сөйләп башладылар. Укучылар Бөек Ватан сугышы елларында Курск сугышында катнашкан бабалары турында сөйләделәр.

Кунаклар өчен укучылар концерт программасы әзерләделәр, сугыш чоры җырларын башкардылар, шигырьләр сөйләделәр. Моннан тыш, Вахитов районы Ветераннар советы вәкиле Волкова Т. А. һәм гимназиябез директоры Шәмсиева Г.Г. Курск сугышына багышланган викторинада җиңгән укучыларга грамоталар тапшырдылар.

Шушы көннәрдә «Мәктәпкә мини-футбол» гомумроссия проекты кысаларында Вахитов һәм Идел буе районы гомуми белем бирү оешмалары командалары арасында мини-футбол буенча уеннар үтте. Гомуми нәтиҗәләр буенча гимназиябез командасы 3 урынга лаек булды. Уенчыларыбызны җиңүләре белән котлыйбыз һәм алга таба да уңышлар телибез.

Бүген “Россия — минем офыкларым" курсының чираттагы дәресе узды. Дәресләрдә укучылар илебезнең сәнәгать һәм җитештерү өлкәсендәге казанышлары турында белделәр. Бу тема бик мөһим, чөнки сәнәгать Россия икътисады үсешенең шактый зур өлешен алып тора һәм нәкъ менә безнең ил теләсә нинди товар җитештерә алучы төп сәнәгать дәүләтләренең берсе булып тора.

Узган атнада безнең гимназиядә “Беренчеләр советы” рәисе сайлаулары узды. Бу вазыйфа өчен алты кандидат көрәште. Атна буе алар агитация үткәрделәр, шулай ук сайлау алды дебатларында катнаштылар. Сайлау нәтиҗәләре буенча, гимназиядә “Беренчеләр хәрәкәте”нең беренчел бүлеге советы рәисе булып 9А сыйныфы укучысы Төхфәтуллина Мәйсәрә сайланды.

Бүген 1-11 сыйныфларда “Мөһим әйберләр турында сөйләшүләр” дәресләр циклының Россиядә кинога 115 ел тулуга багышланган “Экранның икенче ягында” дип аталган дәресләре узды. Традиция буенча, сыйныфларда дәресләр флаг күтәрү, РФ һәм ТР Гимнын башкарудан башланды. Дәрес укучыларны Ватан кинематографиясе тарихы һәм илебездә төшерелгән фильмнар белән таныштыруга, Ватан мәдәнияте, Ватан киносы, аның бөек тарихын булдырган кешеләргә уңай  мөнәсәбәт формалаштыруга, шулай ук киноиндустрия белән бәйле һөнәрләр турында мәгълүматлар җиткерүгә юнәлдерелгән.

14 октябрьдә гимназиядә “Татарча диктант 2023” дөньякүләм белем тикшерү акциясе узды. “Татарча диктант”ның максаты  – татар теленә кызыксынуны арттыру, әдәби телдә дөрес сөйләм һәм дөрес язу күнекмәләрен үстерү, орфографик һәм грамматик хаталарсыз язу теләге уяту. Акциядә укучылар бик теләп катнашты.

Әтиләр көнен бәйрәм итү кысаларында безнең мәктәп укучылары «Әти белән эштә»акциясендә катнаштылар. Әти белән үткәргән вакыт бик кадерле генә түгел, файдалы да. Бала эш күнекмәләренә өйрәнә, әтисе белән аралашудан уңай эмоцияләр ала. Балалар акциядә актив катнаштылар. Нәтиҗәдә, әтиләр белән үткәрелгән онытылмас мизгелләр искиткеч фотоларда истәлек булып калды.