1- 10 декабрьгә кадәр "Инвалидлар декадасы" узу уңаеннан мәктәптә план төзелде. План нигезендә бу уңайдан чаралар үтә. Шуларның берсе авылда инвалид бала Хабибуллина Гөлчәчәк янында булу, аңа дип укучылар тарафыннан бүләкләр әзерләнде, укытучылар тарафыннан күчтәнәчләр. 3 декабрь көнне Гөлчәчәкнең яшьтәш укучылары белән Гөлчәчәк янына бардылар. Балаларның килүенә, аларның алып килгән бүләк күчтәнәчләренә Гөлчәчәк бик сөенде. Алар бергәләп җырлар җырладылар, биеделәр, уйнадылар, рәсемнәр ясадылар.  

Мәктәп күләмендә кышкы чорда сакчыллык чараларын кисәтү уңаеннан укучыларга куркынычсызлык кагыйдәләре буенча инструктаж үткәрелде. 

2 декабрь көнне 9 укучы, 2 укытучы  Бөек ватан сугышы ветераны Сираҗетдинов Рифкат абый янында булып кайттылар. Укучылар Рифкат абыйның тормышы белән таныштылар, үзләрен кызыксындырган сорауларга җаваплар алдылар. Укучылар Рифкат абыйга даими ярдәм итеп торалар, киләчәктә дә аны ташламаска сүз биреп саубуллаштылар.. 

Узган атнада мәктәптә "Әбүнәче көне" үткәрелде. Анда почтальон Имаметдинова Алсу чакырылды. Ул рус һәм татар телләрендә нәшер ителүче басмалар белән таныштырды. Балалар өчен булган басмалар турында сөйләде. Ахырдан газета -журналларга  язылу башкарылды. 

" Әнкәй җирдә иң зур кеше" исеме астында әниләр бәйрәме үткәрелде.

ГИА га хәзерлек мактсатыннан 9 клксс укучыларының ата-аналары белән әңгәмә үткәрелде. Аларга укучыларның сайлап алу имтиханнары турында, пробный ГИА биреп карап турында сүз алып барылды.

18-ноябрьдән 18 декабрьгә кадәр "Посмотри в глаза своему ребенку" акциясе бара. 

Сугыш һәм тыл ветераннарына ярдәм итү йөзеннән мәктәп укучылары үзләренә билгеләнгән ветераннарга барып хәлләрен белеп, булышып кайталар. Бу эш ел тирәли алып барыла. Авылда 1 сугыш ветераны бар. Аңа 7 класс һәм 10 класс укучылары хезмәт күрсәтәлр

21 ноябрь көнне мәктәптә салым хезмәткәрләре көне уңаеннан  9-11 класс укучылары катнашында "Грамоталы салым түләүчеләр клубы" исеме астында ачык дәрес үткәрелде.  Дәрестә төрле дәүләтләрдә салым түләүнең куелышы, мөмкинлекләре турында әйтелде. Укучылар командаларга бүленеп биремнәр ярдәмендә салымнар  турында алган белемнәренә нигезләнеп чыгышлар ясадылар. Төрле биремнәргә җаваплар бирелде, укучыларның җаваплары жюри  тарафыннан бәяләнде. Укучылар дәрестә актив катнаштылар, аларга дәрес ошады. Дәресне тарих һәм җәмгыять укытучысы Гарифуллина Г.Г. үткәрде.

20 ноябрь 1989 ел - БМО Генераль Ассамлеясе кабул иткән "Бала хокуклары турында Конвенция" көне буларак билгеләп үтелә.